கேஜிஎஃப் பட நடிகர் ஹரிஷ் ராய், தொண்டை புற்றுநோயுடன் போராடி வருவதாக தெரிவித்துள்ளார்.
கன்னட நடிகர் ஹரிஷ் ராய் யூடியூப் சேனல் ஒன்றுக்கு பேட்டி அளித்தார்.. அப்போது பேசிய அவர் “சூழ்நிலைகள் உங்களுக்கு சாதகமாக இருக்கலாம்.. அல்லது உங்களிடமிருந்து பொருட்களை பறிக்கலாம். விதியை வெல்ல முடியாது. நான் மூன்று வருடங்களாக புற்றுநோயால் அவதிப்பட்டு வருகிறேன். கேஜிஎஃப் படத்தில் நான் நடிக்கும் போது நீண்ட தாடி இருந்ததற்கு ஒரு காரணம் இருக்கிறது. என் கழுத்தில் ஏற்பட்ட வீக்கத்தை மறைப்பதற்காக நீண்ட தாடி வைத்திருந்தேன்..” என்று தெரிவித்தார்.
தொடர்ந்து பேசிய அவர் “முதலில் என்னிடம் பணம் இல்லாததால் என் அறுவை சிகிச்சையை ஒத்திவைத்தேன். திரைப்படங்கள் வெளியாகும் வரை காத்திருந்தேன். இப்போது நான்காவது கட்டத்தில் இருக்கிறேன். மோசமாகி வருகின்றன.”
ரசிகர்கள் மற்றும் தொழில்துறையைச் சேர்ந்தவர்களிடம் உதவி கேட்டு வீடியோ ஒன்றை பதிவு செய்ததாகவும், ஆனால் அதை சமூக ஊடகங்களில் வெளியிட முடியவில்லை என்றும் ஹரிஷ் கூறினார். இருப்பினும், புற்றுநோய் சிகிச்சைக்கான மாதாந்திர பில் ரூ.3 லட்சம் செலவாகும் என்பதால், அவர் தற்போது நன்கொடையாளர்களிடம் நிதி உதவியை நாடியுள்ளார்.
கன்னட நடிகர் ஹரிஷ், கேஜிஎஃப் 1 மற்றும் கேஜிஎஃப் 2 தவிர பெங்களூர் அண்டர்வேர்ல்ட், தன் தானா தன் மற்றும் நன்னா கனசினா ஹூவ் உள்ளிட்ட படங்களில் நடித்துள்ளார் என்பது குறிப்பிடத்தக்கது..
