பழம்பெரும் பாலிவுட் நடிகர் சமீர் காக்கர் மும்பையில் இன்று காலமானார். அவருக்கு வயது 71.
குஜராத்தி நாடகங்களில் நடித்ததன் மூலம் தனது திரை வாழ்க்கையை தொடங்கியவர் சமீர் காக்கர்.. 80களில் டிடியில் ஒளிபரப்பான நக்கட் என்ற நிகழ்ச்சி மூலம் அவர் பிரபலமான குணச்சித்திர நடிகராக மாறினார்.. சர்க்கஸ், நயா நுக்கட், ஸ்ரீமான் ஸ்ரீமதி, மணிரஞ்சன் மற்றும் அதாலாத் உள்ளிட்ட பல பிரபலமான தொலைக்காட்சி நிகழ்ச்சிகளில் சமீர் நடித்துள்ளார்… மேலும் ஹசீ டு ஃபேஸி, படேல் கோ பஞ்சாபி ஷாதி, புஷ்பக், பரிந்தா மற்றும் ஷாஹேன்ஷா போன்ற படங்களில் அவர் நடித்துள்ளார். கிட்டத்தட்ட நான்கு தசாப்தங்களாக மேடை, திரைப்படம் மற்றும் தொலைக்காட்சி தொடர்களில் சமீர் நடித்து வந்தார்..
இந்நிலையில் நடிகர் சமீர் உடல்நலக்குறைவு காரணமாக இன்று காலமானார்.. நேற்று காலை அவருக்கு சுவாசக் கோளாறு ஏற்பட்ட நிலையில், மருத்துவரை வீட்டிற்கு அழைத்து அவருக்கு பரிசோதனை செய்யப்பட்டுள்ளது.. சமீரை மருத்துவமனையில் அனுமதிக்குமாறு மருத்துவர் தெரிவித்துள்ளார்.. இதையடுத்து உடனடியாக சமீர் மருத்துவமனைக்கு அழைத்து செல்லப்பட்டார்.. அவருக்கு ஐசியூவில் சிகிச்சை வழங்கப்பட்டது..
எனினும் அவரின் உறுப்புகள் செயலிழந்ததால் இன்று அதிகாலை 4.30 மணியளவில் அவரின் உயிர் பிரிந்தது.. சமீரின் மறைவுக்கு திரைப்பிரபலங்கள் மற்றும் ரசிகர்கள் இரங்கல் தெரிவித்து வருகின்றனர்.. சமீபத்தில், சமீர் அமேசான் பிரைம் வீடியோவின் ஃபார்ஸி, ஜீ 5 இன் சன் பிளவர் சுதிர் மிஷ்ராவின் சீரியஸ் மென் ஆகிய வெப் சீரிஸில் நடித்திருந்தார் என்பது குறிப்பிடத்தக்கது..