சென்னையில் செய்தியாளர்களிடம் பேசிய அமைச்சர் மா.சுப்பிரமணியன்; குரங்கு அம்மை பாதிப்பு இல்லை. அவ்வாறு இருந்தால் கட்டாயம் பொதுமக்களுக்கு தெரிவிக்கப்படும். குரங்கு அம்மை வரவே வராது என்று கூறவில்லை. 77 நாடுகளில் குரங்கம்மை பாதிப்பு உள்ளது. முன்னெச்சரிக்கை நடவடிக்கையாக சென்னை, கோவை, திருச்சி, மதுரை ஆகிய மாவட்டங்களில் தீவிர கண்காணிப்பு மேற்கொள்ளப்பட்டுவருகிறது. அதேபோல் சென்னை, கோவை, திருச்சி, மதுரை ஆகிய 4 மாவட்டங்களில் இதற்கென படுக்கை வசதிகள் ஏற்படுத்தப்பட்டுள்ளன. அதுமட்டுமின்றி பன்னாட்டு விமான நிலையங்களில் பரிசோதனை மையங்கள் அமைக்கப்பட்டுள்ளன. தமிழகத்தில் புற்றுநோய்களுக்கான நடவடிக்கைகள் சிறப்பாக எடுக்கப்பட்டு வருகிறது. இன்னும் ஓராண்டில் புற்றுநோய் ஆராய்ச்சி மையம் திறக்கப்பட உள்ளது.
உலகளவில் குரங்கு அம்மை
உலகளவில் குரங்கு அம்மை பாதிப்புகள் அதிகரித்துள்ள நிலையில், உலகம் முழுவதும் உள்ள மருத்துவ வல்லுநர்கள் இந்த நோயை உன்னிப்பாக கவனித்து வருகின்றனர். இது உலகளாவிய அவசரநிலையாக அறிவிக்கப்பட்டுள்ளது. இந்த நோய் முக்கியமாக பாலியல் தொழிலில் ஈடுபட்டுள்ள பெண்கள், ஓரின சேர்க்கை கொள்ளும் ஆண் மூலம் பரவுகிறது என்பதை அனைத்து ஆதாரங்களும் சுட்டிக்காட்டுகின்றன. தற்பொழுது குரங்கு அம்மை நோயின் புதிய அறிகுறிகள் தோன்றியுள்ளன, அவை தொற்று பற்றிய கவலைகளை எழுப்பியுள்ளன. பிரிட்டிஷ் மெடிக்கல் ஜர்னல் படி, நிபுணர்கள் “நோய்க்கான புதிய அறிகுறிகளை கவனித்துள்ளனர். ஆண்குறி வீக்கம் (முக்கியமாக வலியற்றது மற்றும் ஆண்குறியின் மென்மையான வீக்கம்) மற்றும் மலக்குடல் வலி ஆகியவை “நோய்க்கான புதிய மருத்துவப் படிப்பு” என அடையாளம் காணப்பட்டுள்ளன.
