இந்தியாவில் உள்ள மிகவும் நம்பகமான பொதுத்துறை நிறுவனங்களில் ஒன்றான எல்.ஐ.சி தனது வாடிக்கையாளர்களுக்கு பல்வேறு பாலிசிகளை வழங்குகிறது. அந்த வகையில் எல்ஐசி சமீபத்தில் புதிய ஜீவன் சாந்தி திட்டத்தை புதுப்பித்துள்ளது.. எல்.ஐ.சியின் புதிய ஜீவன் சாந்தி என்பது ஒரு நிலையான மாதாந்திர காலாண்டு, அரையாண்டு அல்லது வருடாந்திர பணப்புழக்கத்துடன் முன்கூட்டியே ஓய்வு பெறுவதற்கான ஒரு சிறந்த தேர்வாகும்.
இந்த திட்டத்தில் ஒருவர் பாலிசியை குறிப்பிட்ட தொகை செலுத்தி, ஒத்திவைப்பு காலத்திற்கு (1 முதல் 12 ஆண்டுகள் வரை) காத்திருக்க வேண்டும். இந்தத் திட்டத்தில் அதிகபட்ச கொள்முதல் விலை வரம்பு இல்லை, எனவே வாடிக்கையாளர்கள், அதிக கொள்முதல் விலை செலுத்தினால் அதிக ஆண்டுத்தொகையை பெறலாம்..
ஜீவன் சாந்தி திட்டத்தின் நன்மைகள் என்னென்ன..?
- ஒரு முறை முதலீடு செய்து, வாழ்நாள் முழுவதும் உத்தரவாதமான வருமானத்தைப் பெறலாம்.
- இந்தக் காப்பீட்டை தனிநபர் அடிப்படையில் வாங்கலாம்.. அல்லது பெற்றோர், தாத்தா, பாட்டி, குழந்தை, பேரக்குழந்தை, மனைவி அல்லது உடன்பிறந்தவர்களுடன் கூட்டாக வாங்கலாம்.
- முதல் பாலிசி ஆண்டு காலாவதியான பிறகு, கடன் வசதி கிடைக்கும்.
- வருடாந்திர விருப்பத்தில் வாங்கிய தொகையின் வருமானம் உள்ளதால், காப்பீடு காலாவதியாகும் தேதியிலிருந்து மூன்று மாதங்களுக்குப் பிறகு எந்த நேரத்திலும் இத்திட்டத்தை சரண்டர் செய்யலாம்.
- பாலிசியின் “விதிமுறைகள் மற்றும் நிபந்தனைகளில்” பாலிசிதாரர் அதிருப்தி அடைந்தால், 15 நாட்களுக்குள் காப்பீடு நிறுவனத்திற்குத் திருப்பித் தரப்படும்.
- பாலிசிதாரர் ஓய்வூதியம் பெற விரும்பினால், கூடுதல் வாய்ப்புகள் உள்ளன. இது 5, 10, 15 அல்லது 20 ஆண்டுகளுக்குப் பிறகு பயன்படுத்தப்படலாம்.
எல்ஐசி புதிய ஜீவன் சாந்தி திட்டத்திற்கு குறைந்தபட்ச முதலீடு ரூ. 1.5 லட்சம். இந்தத் திட்டத்திலிருந்து ஆண்டுக்கு குறைந்தபட்சம் ரூ.12,000 வருமானத்தைப் பெறலாம். இந்தத் திட்டத்தில் நீங்கள் முதலீடு செய்யக்கூடிய தொகைக்கு உச்ச வரம்பு இல்லை. எனவே இத்திட்டத்தின் ஒத்திவைக்கப்பட்ட ஆண்டுத்தொகைக்கு, ஒரு தனி நபர் ரூ. 10 லட்சம் முதலீடு செய்தால், அவர் மாத ஓய்வூதியமாக ரூ. 11,192 பெறலாம்.
இந்த திட்டத்தில் முதலீடு செய்தால் நிச்சயம் வாழ்நாள் முழுவதும் வருவாய் கிடைக்கும்.. ஒருவேளை இந்த பாலிசியை எடுத்த நபர் இடையில் இறந்துவிட்டாலும், அவரின் நாமினிக்கு அந்த வருவாய் கிடைக்கும்.. மேலும் இந்த திட்டத்தில் 80சி மற்றும் 80டி பிரிவுகளின் கீழ் வருமான வரி விலக்கும் உண்டு.. இந்த திட்டத்தை ஆஃப்லைனிலும் அல்லது ஆன்லைனிலும் எடுத்துக்கொள்ள முடியும்..
