தற்போதைய இளைஞர்கள் இளம் பெண்களை ஆசை வார்த்தை கூறி, அவர்களுக்கு வேண்டியதை பெண்களிடமிருந்து பெற்றுக் கொண்டு, பின்பு அந்த பெண்களை ஏமாற்றுவதை வழக்கமாகக் கொண்டிருக்கிறார்கள்.
ஆனால் இது போன்ற செயல்கள் நடைபெறுவதற்கு முழுக்க முழுக்க ஆண்கள் மட்டுமே காரணம் என்று சொல்ல முடியாது. பொதுவாக ஒரு பழமொழி இருக்கிறது. அதாவது, ஏமாற்றுபவனை விட ஏமாறுபவனே குற்றவாளி என்ற பழமொழி இருக்கின்றது.
அந்தக் கூற்றின் அடிப்படையில், பெண்கள் அனைத்து விஷயங்களிலும் உஷாராக இருந்தால் ஆண்களால் நிச்சயமாக அவர்களை ஏமாற்ற முடியாது. ஆனால் அனைத்து பெண்களும் அப்படி இருப்பதில்லை.
கோவை ஒண்டிப்புதூரை சேர்ந்தவர் செந்தில் குமார் (24) இவருக்கும், மகாராஷ்டிரா மாநிலம் மும்பையை சார்ந்த 27 வயது பெண்ணுக்கும் முகநூல் பக்கம் மூலமாக பழக்கம் ஏற்பட்டு இருக்கிறது. அதோடு இருவரும் காதலித்து வந்ததாக சொல்லப்படுகிறது.
தொடர்ச்சியாக 4 வருடங்களாக பழகி வந்த அந்த பெண்ணிடம் அந்த பெண்ணை நேரில் பார்க்க ஆசைப்படுவதாக செந்தில்குமார் தெரிவித்திருக்கிறார். இதனால் செந்தில்குமார் பிறந்த நாளை முன்னிட்டு அந்த பெண் கோவை மாவட்டத்திற்கு வந்துள்ளார்.
அந்த சமயத்தில் இருவரும் பல பகுதிகளுக்கு சென்று இருக்கிறார்கள். அதோடு ஆர்.எஸ் புறத்தில் இருக்கின்ற ஒரு விடுதியில் அரை எடுத்து தங்கி இருவரும் உடலுறவில் ஈடுபட்டதாக சொல்லப்படுகின்றது. அதன் பிறகு செந்தில்குமார் அந்த பெண்ணிடம் பேசுவதை தவிர்த்து இருக்கிறார். இதனால் சந்தேகமடைந்த அந்த பெண் ஆர் எஸ் புரம் மகளிர் காவல் நிலையத்தில் புகார் வழங்கினார்.
அந்த புகாரில், அந்தப் பெண் தெரிவித்திருப்பதாவது திருமணம் செய்து கொள்வதாக கூறி பாலியல் வன்புணர்வு செய்ததாக குறிப்பிட்டிருக்கிறார். இதனை அடிப்படையாகக் கொண்டு, செந்தில்குமார் மீது 420 மற்றும் வன்கொடுமை உள்ளிட்ட பிரிவுகளின் கீழ் வழக்கு பதிவு செய்யப்பட்டிருக்கிறது.
