கல்வி, சுகாதாரம், பொருளாதாரம் உள்ளிட்ட பல்வேறு பிரிவுகளில் சிறப்பாக செயல்பட்ட பெரிய மாநிலங்களில் தமிழ்நாடு முதலிடத்தை பிடித்துள்ளது.
ஆளுமை, மருத்துவம், பொருளாதாரம், கல்வி உள்ளிட்ட பல்வேறு பிரிவுகளில் சிறப்பாக செயல்பட்ட பெரிய மாநிலங்கள் குறித்த ஆய்வை ’இந்தியா டுடே இதழ்’ நடத்தியது. இதில் 2022ஆம் ஆண்டிற்கான ‘சிறந்த செயல்திறன்’ கொண்ட மாநிலமாக தமிழ்நாடு முதலிடம் பிடித்துள்ளது. ஹிமாச்சல் பிரதேசம் இரண்டாம் இடத்திலும், கேரளா 3ஆம் இடத்திலும், குஜராத் 4ஆம் இடத்திலும், பஞ்சாப் 5ஆம் இடத்திலும் உள்ளது. மகாராஷ்டிரா, உத்தரகாண்ட், ஆந்திரப்பிரதேசம், கர்நாடகா, ஹரியானா, தெலங்கானா, மேற்கு வங்கம் ஆகிய மாநிலங்கள் அடுத்தடுத்த இடங்களை பிடித்துள்ளன.
![இந்தியாவிலேயே NO.1..!! மீண்டும் முதலிடத்தை பிடித்த தமிழ்நாடு..!! எதில் தெரியுமா..?](https://1newsnation.com/wp-content/uploads/2022/04/Secretariat.jpg)
இதுகுறித்து மக்கள் நல்வாழ்வுத்துறை அமைச்சர் மா.சுப்பிரமணியன் தனது ட்விட்டர் பக்கத்தில், ”INDIA TODAY இதழ் நடத்திய ஆய்வில் ஆளுமை, மருத்துவம், பொருளாதாரம், கல்வி உள்ளிட்ட பல்வேறு பிரிவுகளில் சிறப்பாக செயல்பட்ட பெரிய மாநிலங்களில் 2022 ம் ஆண்டிற்கான ‘சிறந்த செயல்திறன்’ கொண்ட மாநிலமாக தமிழ்நாடு முதலிடம் பிடித்துள்ளது. இது முதலமைச்சர் முக.ஸ்டாலினின் ஆளுமைத் திறனுக்கான அங்கீகாரம்” என பதிவிட்டுள்ளார். கடந்த 5 ஆண்டுகளாக இந்த பிரிவுகளுக்காக இந்தியா டுடே நடத்திய ஆய்வில் தமிழ்நாடு தொடர்ந்து முதலிடத்தில் இருந்து வருவது குறிப்பிடத்தக்கது.