இந்திய பிரதமர் நரேந்திர மோடியின் இளைய சகோதரர் பிரகலாத் தாமோதரதாஸ் மோடி. இவர் இந்தியா முழுக்க ஆன்மிக சுற்றுப் பயணம் மேற்கொண்டு வருகிறார். தமிழ்நாட்டில் கன்னியாகுமரி, மதுரை, ராமேஸ்வரம் உள்ளிட்ட கோவில்களும் குடும்பத்துடன் சென்று வந்துள்ளார். தற்போது ஓய்வில் இருந்து வருகிறார். இந்நிலையில், திடீர் உடல்நலக்குறைவு காரணமாக மருத்துவமனையில் அனுமதிக்கப்பட்டுள்ளார். சென்னை ஆயிரம் விளக்கு பகுதியில் உள்ள அப்பல்லோ மருத்துவமனையில் அவருக்கு தீவிர சிகிச்சை அளிக்கப்பட்டு வருகிறது.
சிறுநீரக பிரச்சனையால் மருத்துவமனையில் அனுமதிக்கப்பட்டுள்ள அவருக்கு சிகிச்சை அளிக்கப்பட்டு வருவதாக மருத்துவமனை தரப்பில் தெரிவிக்கப்பட்டுள்ளது. இந்த தகவலை அறிந்த பிரதமர் மோடி, சகோதரர் பிரகலாத் தாமோதரதாஸ் மோடி உடல்நிலை குறித்து தொலைபேசி மூலம் கேட்டறிந்ததாக கூறப்படுகிறது. தற்போது அவர் மருத்துவர்கள் கண்காணிப்பில் தீவிர சிகிச்சை பெற்று வருகிறார்.