விஜய் டிவியில் ஒளிபரப்பாகும் பிக்பாஸ் நிகழ்ச்சி 97 நாட்களை கடந்துவிட்டது. முந்தைய சீசன்களில் இல்லாத வகையில், புது புது விஷயங்கள் இந்த சீசனில் கொண்டு வரப்பட்டது. தற்போது பிக்பாஸ் வீட்டில் அனைவரும் எதிர்ப்பார்த்த பணப்பெட்டி டாஸ்க்கில் ரூ.16 லட்சங்களை எடுத்துக் கொண்டு பூர் ணிமா ஸ்மார்ட் ஆக வெளியேறி இருந்தார்.
இந்நிலையில், பிக்பாஸ் வீட்டில் 94 நாட்கள் இருந்த பூர்ணிமாவின் மொத்த சம்பளம் குறித்த தகவல் வெளியாகியுள்ளது. அதன்படி, பிக்பாஸ் நிகழ்ச்சியில் பூர்ணிமாவுக்கு ஒரு நாள் சம்பளமாக 15,000 ரூபாய் பேசப்பட்டுள்ளது. அதிலும், பிக்பாஸ் வீட்டிற்குள் 94 நாட்கள் இருந்துள்ளார். அதன்படி பார்த்தால், அவருக்கு சம்பளமாக ரூ.14 லட்சமும், ரூ.16 லட்சம் பணப்பெட்டியும் ஆக மொத்தம் ரூ.30 லட்சம் வழங்கப்பட்டுள்ளது.
அதிலும், குறிப்பாக பிக்பாஸ் வெற்றியாளராக வருபவருக்கு ரூ.50 லட்சம் கிடைக்கும். அதோடு நிகழ்ச்சியில் கலந்து கொண்ட நிறுவனங்களும் பணம் கொடுப்பார்கள். ரன்னராக வருபவருக்கு கூட பூர்ணிமாக்கு கிடைத்த பணம் வருமா? என்று கூட தெரியவில்லை. அதனால், பூர்ணிமா எடுத்த முடிவு சரி தான் என்று எல்லோரும் வாழ்த்து தெரிவித்து வருகின்றனர்.
