சுற்றுச்சூழல் ஆர்வலர் பிரேமா சீனிவாசன் அவர்கள் காலமானார்
தொழிலதிபர்கள் வேணு சீனிவாசன் மற்றும் கோபால் சீனிவாசன் ஆகியோரின் தாயாரும், சுற்றுச்சூழல் ஆர்வலருமான பிரேமா சீனிவாசன் அவர்கள் காலமானார். முன்னாள் சுங்கத்துறை அதிகாரியான கே.ரங்கசாமியின் மகளான பிரேமா, டிவிஎஸ் குழும நிறுவனர் டி.வி.சுந்தரம் ஐயங்காரின் இளைய மகன் டி.எஸ்.சீனிவாசனை மணந்தார். Pure Vegetarian CookBook உட்பட பல புத்தகங்களை எழுதியவர் பிரேமா.
சுற்றுச்சூழல், தத்துவம் மற்றும் ஆன்மீகத்தில் ஆழ்ந்த ஆர்வத்திற்கு பெயர் பெற்ற பிரேமா, சாம் தோங் ரிம்போச் மற்றும் ஜே கிருஷ்ணமூர்த்தி ஆகியோரின் சீடராவார். இசை, கலை, வரலாறு மற்றும் வடிவமைப்பு உள்ளிட்ட பல்வேறு பாடங்களில் அவரது நிபுணத்துவம் மற்றும் அறிவுக்காக அவர் கொண்டாடப்பட்டார். அவர் தனது அறுபதுகளில் நியூயார்க்கில் உள்ள கொலம்பியா பல்கலைக்கழகத்தில் கலை மற்றும் வரலாற்றைப் படிப்பதன் மூலம் தனது ஆர்வத்தைத் தொடர்ந்தார்.
பருவநிலை மாற்றம் குறித்து இளம் பள்ளிக் குழந்தைகளுக்கு விழிப்புணர்வை ஏற்படுத்துவதற்கான முன்னோடி இயக்கமான மெட்ராஸ் சுற்றுச்சூழல் சங்கத்தை அவர் நிறுவினார் என்பது குறிப்பிடத்தக்கது. இவரது மறைவிற்கு அரசியல் தலைவர்கள் தங்களது இரங்கல் செய்தியை பதிவு செய்து வருகின்றனர்.
