பெங்களூருவில் கட்டிடம் இடிந்து விழுந்து விபத்துக்குள்ளானதற்கு பிரதமர் நரேந்திர மோடி வியாழக்கிழமை இரங்கல் தெரிவித்துள்ளார். விபத்தில் உயிரிழந்தவர்களின் உறவினர்களுக்கு தலா ரூ.2 லட்சமும், காயமடைந்தவர்களுக்கு ரூ.50,000 வழங்கப்படும் எனவும் தெரிவித்துள்ளார்.
இதுதொடர்பாக அவர் வெளியிட்டுள்ள X பதிவில், ‘பெங்களூருவில் கட்டிடம் இடிந்து விழுந்து 8 பேர் உயிரிழந்த சம்பவம் குறித்து வேதனை அடைந்தேன். என் எண்ணங்கள் தங்கள் அன்புக்குரியவர்களை இழந்த அனைவருடனும் உள்ளன. காயமடைந்தவர்கள் விரைவில் குணமடைய பிரார்த்திக்கிறேன். இறந்த ஒவ்வொருவரின் உறவினர்களுக்கும் PMNRF இலிருந்து ரூபாய் 2 லட்சம் கருணைத் தொகையாக வழங்கப்படும். காயமடைந்தவர்களுக்கு 50,000 ரூபாய் வழங்கப்படும்” என அந்த பதிவில் தெரிவித்தார்.
பலி எண்ணிக்கை எட்டாக உயர்ந்துள்ளது : நகரின் பாபுசபால்யா பகுதியில் நடந்த இந்த சம்பவத்தில் இறந்தவர்களின் எண்ணிக்கை தற்போது 8 ஆக உயர்ந்துள்ளது, மேலும் இந்த வழக்கு தொடர்பாக 3 பேர் கைது செய்யப்பட்டுள்ளனர். நான்கு மாடி கட்டிடத்திற்கு மட்டுமே அனுமதி வழங்கப்பட்டதாகவும், அதற்கு பதிலாக ஏழு மாடிகள் கட்டப்பட்டதாகவும் தகவல்கள் தெரிவிக்கின்றன. இந்த சம்பவத்துடன் தொடர்புடைய அதிகாரிகள் கடமை தவறியதற்காக, சஸ்பெண்ட் செய்யப்பட்டுள்ளனர்.
கடந்த இரண்டு ஆண்டுகளாக கட்டடம் கட்டப்பட்டு வரும் நிலையில், அதைத் தடுக்க பிபிஎம்பி அதிகாரிகள் எந்த நடவடிக்கையும் எடுக்கவில்லை என்று கூறப்படுகிறது. அஸ்திவாரத்திலிருந்து நான்காவது தளம் வரை கட்டுமானப் பணிகள் நடந்தபோது எந்த அறிவிப்பும் வழங்கப்படவில்லை என்று லோக்ஆயுக்தா நீதிபதி பிஎஸ் பாட்டீல் கூறியுள்ளார். மேலும், சோதனையில் உரிமம் இல்லாதது தெரியவந்ததாகவும், இவ்வளவு பெரிய கட்டிடத்திற்கு அனுமதியளிக்கப்பட்ட திட்டம் எதுவும் இல்லை என்றும், இது சட்டவிரோதமாக கட்டுமானம் மேற்கொள்ளப்பட்டதைக் குறிக்கிறது.
Read more ; ரேஷன் கடைகளிலும் இனி சேமிப்பு கணக்கு தொடங்கலாம்..!! சூப்பர் அறிவிப்பு
