நடிகர் சூர்யாவின் கங்குவா திரைப்படத்தை பார்த்துவிட்டு சென்சார் அதிகாரிகள் கூறியுள்ள விமர்சனம் வைரலாகி வருகிறது.
இயக்குனர் சிறுத்தை சிவா மற்றும் சூர்யா முதல் முறையாக இணைந்துள்ள திரைப்படம் கங்குவா. இப்படம் உலகம் முழுவதும் நாளை திரையரங்குகளில் ரிலீஸாக உள்ளது. இப்படம் ரிலீசுக்கு முன்பே ரூ.500 கோடிக்கு மேல் வசூல் செய்து விட்டதாக ஏற்கனவே பல தகவல்கள் வெளியான நிலையில், படத்தின் பாதியை பார்த்ததாக கடந்த மாதம் தயாரிப்பாளர் தனஞ்ஜெயன், படம் லெவலில் இருப்பதாக கூறியிருந்தார்.
இதை தொடர்ந்து ‘கங்குவா’ படத்தை பார்த்த சென்சார் குழுவினர் இப்படத்திற்கு யு /ஏ சான்றிதழ் வழங்கியுள்ளனர். அதுமட்டுமின்றி, படக்குழுவினரை அதிகாரிகள் பாராட்டியுள்ளதாக கூறப்படுகிறது. 2 மணி நேரம் 34 நிமிடங்கள் ஓடும் இந்தத் படத்தின் ஒவ்வொரு காட்சியும் பிரம்மாண்டத்தின் உச்சம் எனவும், தமிழ் சினிமாவை அடுத்த கட்டத்திற்கு கொண்டு செல்லும் விதத்தில் இப்படம் இருப்பதாகவும் தெரிவித்துள்ளனர்.
‘கங்குவா’ திரைப்படத்தில் நடிகர் சூர்யாவுக்கு ஜோடியாக பாலிவுட் நடிகை திஷா பதாணி நடித்துள்ளார். மேலும், அனிமல் பட நடிகர் பாபி தியோல் வில்லனாக நடித்திருக்கிறார். இந்த படத்தை ஸ்டூடியோ கிரீன் நிறுவனம் சார்பில், தயாரிப்பாளர் ஞானவேல் ராஜா தயாரித்துள்ள நிலையில், தேவி ஸ்ரீ பிரசாத் இசையமைத்துள்ளார்.
Read More : ”இந்த ஆண்டில் உலகம் அழிந்துவிடும்”..!! ”பேரழிவு நிச்சயம்”..!! முன்கூட்டியே கணித்த நியூட்டன்..!!
