மகாராஷ்டிரா மாநிலத்தில் சமீபத்தில் நடந்த முடிந்த சட்டமன்ற தேர்தலில், உத்தவ் தாக்கரே தலைமையிலான சிவசேனா, தேசியவாத காங்கிரஸ் உள்ளிட்ட கட்சிகள் கூட்டணி அமைத்து போட்டியிட்டு, படுதோல்வியை சந்தித்தனர். இந்த தேர்தலில் பாஜக தலைமையிலான கூட்டணி மகத்தான வெற்றியைப் பெற்றது. இந்த தேர்தலில் தோல்வியடைந்த எதிர்க்கட்சிகள் மின்னணு வாக்குப்பதிவு இயந்திரத்தில் முறைகேடு செய்ததாக குற்றம்சாட்டி, இந்த வெற்றியை ஏற்றுக்கொள்ள முடியாது என்றும் தெரிவித்தனர். மேலும் தோல்வியடைந்தால் எதிர்க்கட்சிகள் மின்னணு வாக்குப்பதிவு இயந்திரம் மீது குறை கூறுவது வாடிக்கையாகிவிட்டது. இது தற்போது வெளிச்சத்திற்கு வந்துள்ளது.
சோலாப்பூரின் மார்கத்வாடி கிராமத்தில் மின்னணு வாக்குப்பதிவு இயந்திரம் மீது குறை கூறி ஒரு விசித்திரமான சம்பவம் நடந்தது. இங்கு உள்ளூர்வாசிகள் வாக்குச் சீட்டுகளைப் பயன்படுத்தி சட்டவிரோதமான “மறுதேர்தலை” திட்டமிட்டனர். இது ஒரு தவறான எடுத்துக்காட்டாக மாறிவிட்டது.
மகாராஷ்டிரா சட்டப்பேரவைத் தேர்தலில் சோலாப்பூர் மாவட்டத்திலுள்ள மார்க்கத்வாடி என்ற கிராமத்தில் 1900 வாக்குகள் பதிவானது. இதில் சரத்பவார் கட்சி வேட்பாளர் உத்தம் ஜங்கர் 843 வாக்குகளையும், பாஜக வேட்பாளர் சத்புதே 1,003 வாக்குகளையும் பெற்றனர். மல்ஷிராஸ் சட்டமன்றத் தொகுதியில் 13,000 வாக்குகள் வித்தியாசத்தில் சரத்பவார் கட்சி வேட்பாளர் உத்தம் ஜங்கர் வெற்றி பெற்ற போதிலும், மார்க்கத்வாடியில் பாஜகவின் ராம் சத்புதேவிடம் உத்தம்ராவ் ஜன்கர் தோல்வியடைந்தார்.
இதனை ஏற்றுகொள்ளாதா மக்கள், தாங்கள் வாக்களித்த வாக்குகள் சரியான கட்சிக்கு போய் சேரவில்லை என்று குற்றம்சாட்டினர். அதோடு வாக்குச்சீட்டை பயன்படுத்தி மறுதேர்தல் நடத்த திட்டமிட்டனர். இந்த மறுதேர்தல் NCP (SP) MLA உத்தம்ராவ் ஜங்கரின் ஆதரவாளர்களின், உத்தரவின் பேரில் நடந்ததாக கூறப்படுகிறது. கடந்த டிசம்பர் மாதம் 3ம் தேதி மறுதேர்தலுக்கு முயற்சி செய்த போது போலீசார் அதனை தடுத்து நிறுத்தி, இதில் ஈடுபட்டவர்கள் மீது வழக்குப்பதிவு செய்தனர். மேலும் இதனை உள்ளூர் துணைப்பிரிவு நீதிபதி இதை சட்டவிரோதமானது மற்றும் ஜனநாயக விரோதமானது என்று கூறினார்.
காங்கிரஸ் அரசு EVM-ஐ கொண்டு வந்தது: காங்கிரஸ் அரசாங்கத்தால் EVM கொண்டு வரப்பட்டது. இன்றைய நிலைமை என்னவென்றால், காங்கிரஸ் தனது தோல்விக்கு மின்னணு வாக்குப்பதிவு இயந்திரங்களைக் குறை கூறுவதில் முன்னணியில் உள்ளது என கிராமவாசிகள் கேள்வி எழுப்பியுள்ளனர்.
“வாக்குச் சீட்டு மூலம் மறு தேர்தல் நடத்த திட்டமிட்ட இந்த மக்கள் ஜனநாயகத்திற்கு சவால் விடுகிறார்கள். மின்னணு வாக்குப்பதிவு இயந்திரத்தை காங்கிரஸ் கொண்டு வந்தது என்பதை நாம் மறந்துவிடக் கூடாது” என்று கிராமவாசி கூறினார். மகா விகாஸ் அகாடி (MVA) மக்களவைத் தேர்தலில் இதே இயந்திரங்களைப் பயன்படுத்தி வெற்றி பெற்றபோது, எதிர்க்கட்சிகள் EVM-களைப் பற்றி கேள்வி கேட்பது மிகவும் அபத்தமானது. அந்த நேரத்தில் யாரும் EVM-ல் எந்தக் குறையையும் கூறவில்லை.
மார்க்கத்வாடியில் நடந்தது என்ன..?
மல்ஷிராஸ் சட்டமன்றத் தொகுதியை பாஜக வேட்பாளர் ராம் சத்புதே இழந்தபோதும், மார்க்கத்வாடி கிராமத்தில் அவரது வளர்ச்சிப் பணிகள் காரணமாக கணிசமான புகழைப் பெற்றுள்ளார். இது குறித்து அந்த கிராமத்தில் வசிக்கும் கௌஷல் கூறியதாவது, “ராம் சத்புதே மார்க்கத்வாடி கிராமத்தில் அயராது உழைத்துள்ளார். அவருக்கு 150 வாக்குகள் வித்தியாசத்தில் முன்னிலை கிடைத்தது. பெண்களுக்கு அதிகாரம் அளிக்கும் நோக்கில் தொடங்கப்பட்ட லட்கி பெஹன் யோஜனாவும் வாக்காளர்களின் உணர்வுகளை வடிவமைப்பதில் முக்கிய பங்கு வகித்தது” என்று கூறினார். அதே கிராமத்தைச் சேர்ந்த ஓம்கார் கூறியதாவது, “நாம் வாக்குச் சீட்டுக்குத் திரும்பினாலும், அதிலும் பிழைகள் ஏற்பட வாய்ப்புள்ளது. லட்கி பெஹன் யோஜனாவின் தாக்கத்தை புறக்கணிக்க முடியாது” என்று கூறினார்.
மேலும் அதே கிராமத்தைச் சேர்ந்த மிதுன் என்பவர் கூறுகையில், “மின்னணு வாக்குப்பதிவு இயந்திரங்கள் தொடர்பாக ஏதேனும் பிரச்சினை இருந்தால், மக்களவைத் தேர்தலின் போது ஏன் அது எழுப்பப்படவில்லை? இந்தப் போராட்டம் அரசியலமைப்பிற்கு விரோதமானது. தேவேந்திர ஃபட்னாவிஸ், ஷிண்டே மற்றும் அஜித் ஆகியோரின் ஆட்சி பெண்களுக்கு ஊழல் இல்லாத முயற்சிகள் மற்றும் நலத்திட்டங்களைக் கொண்டு வந்துள்ளது. அவர் பாராட்டைப் பெற்றுள்ளார். வாக்காளர்கள் தங்கள் சக்தியை அறிவார்கள். மக்கள் பாஜக வேட்பாளர் ராம் சத்புதே பணியின் அடிப்படையில் தேர்ந்தெடுத்துள்ளனர்” என்றார்.
கிராமவாசி அலோக் கூறியதாவது, “லோக்சபா தேர்தலின் போது இந்த ஆட்சேபனைகள் ஏன் வரவில்லை? முடிவுகள் அவர்களுக்கு சாதகமாக வரும்போது, அது ஏற்றுக்கொள்ளத்தக்கது. அது நடக்காதபோது, அவர்கள் புகார் கூறுகிறார்கள்,” என்று கூறினார்.
