பிரபல சூப்பர் ஸ்டார் நடிகர் ரஜினிகாந்தின் குரல், பெயர், போட்டோ ஆகியவற்றை அனுமதி இன்றி பயன்படுத்தக் கூடாது என்று தடை விதிக்கப்பட்டு இருக்கின்றது.
இது குறித்த அறிவிப்பை ரஜினியின் வழக்கறிஞர் இளம் பாரதி வெளியிட்டு இருக்கின்றார். அதில், “நடிகர் ரஜினிகாந்தின் பெயர் புகைப்படம் குரல் ஆகியவற்றை அனுமதி பெறாமல் இனி எந்த இடத்திலும் யாரும் பயன்படுத்துவது கூடாது.
ரஜினியின் புகைப்படங்கள் கம்ப்யூட்டர் அனிமேஷன் உள்ளிட்ட அனைத்துமே ரஜினிக்கு மட்டும்தான் சொந்தம். இந்த விஷயங்களை அடுத்தவர்கள் பயன்படுத்துவதால் மக்கள் மத்தியில் பெரும் குழப்பம் உருவாக்கப்படுகிறது. இதை தவிர்க்க இனி அவரது பெயர், குரல், புகைப்படம் ஆகியவற்றை யாரும் அனுமதி இன்றி பயன்படுத்தக் கூடாது.” என்று குறிப்பிட்டுள்ளார்.
