கிராமசபை கூட்டங்களில் தமிழக ஆளுநர் ஆர் என் ரவிக்கு எதிராக தீர்மானம் நிறைவேற்றப்பட்ட சம்பவம் அதிர்ச்சியை ஏற்படுத்தி இருக்கிறது.
தஞ்சை மாவட்டம், பட்டுக்கோட்டை ஊராட்சி ஒன்றியம், புதுக்கோட்டை உள்ளூர் ஊராட்சி கிராம சபை கூட்டம் இன்று சுதந்திர தினத்தை முன்னிட்டு நடைபெற்றது.
இந்த கூட்டத்தில், ஏழை, எளிய மாணவர்களின் கல்வித் திறனை பாதிக்கும் விதத்தில், கொண்டுவரப்பட்டுள்ள நீட் தேர்வை ரத்து செய்ய வேண்டும் என தெரிவிக்கப்பட்டது. அதேபோல, தமிழக அரசு நீட் தேர்வை ரத்து செய்ய மேற்கொள்ளும் அனைத்து நிலைப்பாடுகளையும் ஆளுநர் புறக்கணித்து வருவது அரசியலமைப்பு சட்டத்திற்கு எதிரானது என்று, ஆளுநரின் செயல்பாட்டை எதிர்த்தும், நீட் தேர்வை ரத்து செய்ய வேண்டும் என்று தெரிவித்தும் கிராம சபை கூட்டத்தில் தீர்மானம் நிறைவேற்றப்பட்டுள்ளது.
