ரஷ்யாவின் தலைநகர் மாஸ்கோவில் நடத்தப்பட்ட ட்ரோன் தாக்குதல் முறியடிக்கப்பட்டதாக ரஷ்யாவின் பாதுகாப்புத்துறை அமைச்சகம் தெரிவித்திருக்கிறது.
ஒரு ட்ரோன் சுட்டு வீழ்த்தப்பட்டதாகவும், மற்ற 2 ட்ரோன்களும் கட்டடங்கள் மீது மோதி விழுந்திருப்பதாகவும் தெரிவித்திருக்கிறது. ரஷ்யாவின் தலைநகர் மாஸ்கோவில் நேற்று இரவு உக்ரைன் திடீரென்று ட்ரோன் தாக்குதலை நடத்தியது. இந்த தாக்குதலில் 2 கட்டடங்கள் சேதமடைந்து இருக்கின்றன என்று தெரிவிக்கப்பட்டுள்ளது.
ஆனாலும் இந்த சம்பவத்தில் யாருக்கும் காயம் ஏற்படவில்லை என்று கூறப்படுகிறது. இதனால் மாஸ்கோவில் உள்ள வனுகோவோ விமான நிலையத்தில் விமான புறப்பாடு மற்றும் வருகை நிறுத்தப்பட்டது. அதன் பிறகு ஒரு மணி நேரத்திற்கு பின்னர் அவை இயல்பு நிலைக்கு திரும்பியது.
முன்னதாக இந்த மாத ஆரம்பத்திலும் தாக்குதல் காரணமாக, அதே விமான நிலையத்தில் விமான போக்குவரத்து சற்று நேரம் பாதிக்கப்பட்டது என்பது குறிப்பிடத்தக்கது.
