தமிழ்நாடு தடயவியல் அறிவியல் சார்நிலைப் பணிகளில் அடங்கிய இளநிலை அறிவியல் அலுவலர் பதவிக்கான பணியிடங்களை நிரப்புவதற்கான அறிவிப்பை டிஎன்பிஎஸ்சி தேர்வாணையயம் வெளியிட்டுள்ளது.
காலியிடங்கள் எண்ணிக்கை: 31
வயது வரம்பு: இந்த பதவிக்கு விண்ணப்பிக்க விரும்பும் பொது பிரிவு விண்ணப்பதாரர், 01.07.2023 அன்று 18 -32 வயதுக்குள் இருக்க வேண்டும். ஏனைய பிரிவினருக்கும், அனைத்து வகுப்புகளையும் சார்ந்த ஆதரவற்ற விதவைகளுக்கும் வயது வரம்பு இல்லை.
கல்வித் தகுதி: தடவியல் அறிவியல் படிப்பில் முதுகலை பட்டம் பெற்றிருக்க வேண்டும் (அல்லது) இயற்பியல், வேதியியல், உயிரியியல், இயற்பியல் & வேதியியல் ஆகிய பாடப்பிரிவுகளில் முதுகலைப் பட்டம் பெற்றிருக்க வேண்டும்.
சம்பளம்: ரூ.36,900 முதல் ரூ.1,35,100 வரை
தேர்வு முறை: எழுத்துத் தேர்வு, நேர்காணல் மற்றும் வாய்மொழித் தேர்வில் விண்ணப்பதாரர்கள் பெற்ற மதிப்பெண்கள், பணியிட ஒதுக்கீடு விதி ஆகியவற்றின் அடிப்படையில் தேர்வு முறை மேற்கொள்ளப்படும்.
விண்ணப்பிப்பது எப்படி..? www.tnpsc.gov.in, www.tnpscexams.in ஆகிய இணையதளங்கள் மூலம் விண்ணப்பிக்கலாம்.
நிரந்தரப் பதிவு: விண்ணப்பிக்கும் முன்பு ஆதார் எண் மூலம் ஒருமுறை பதிவு எனப்படும் நிரந்தரப்பதிவு (OTR) மற்றும் தன்விவரப்பக்கம் (Dashboard) ஆகியன கட்டாயமாகும். விண்ணப்பதாரர்கள் நிரந்தர பதிவு மூலம் பதிவுக்கட்டணமாக ரூ.150/- ஐ செலுத்தி, பதிவு செய்து கொள்ள வேண்டும்.
விண்ணப்பிக்க கடைசி தேதி: 26.05.2023
