தமிழ்நாடு அரசுப் பணியாளர் தேர்வாணையம் சார்பில் நடத்தப்படும் குரூப் 2 மற்றும் 2A தேர்வுகளுக்கான பணியிடங்களின் எண்ணிக்கை மேலும் அதிகரிக்கப்பட்டுள்ளது. ஏற்கனவே 2,327 பணியிடங்களுக்கான தேர்வு அறிவிக்கப்பட்டு நடைபெற்று வரக்கூடிய நிலையில், தற்போது கூடுதலாக 213 பணியிடங்கள் சேர்க்கப்பட்டுள்ளதாக டிஎன்பிஎஸ்சி தேர்வாணையம் அறிவித்துள்ளது.
தேர்வர்கள் சார்பில் எழுப்பப்பட்ட பல்வேறு கேள்விகளுக்கும், கோரிக்கைகளின் அடிப்படையில் பணியிடங்கள் மேலும் அதிகரிக்கப்பட்டுள்ளதாக டிஎன்பிஎஸ்சி தலைவர் தெரிவித்துள்ளார். உதவி ஆய்வாளர், துணை வணிகவியல் அலுவலர், சார்பதிவாளர் நிலை 2 தனிபிரிவு உதவியாளர், வனவர் உள்ளிட்ட பணியிடங்களுக்கு தேர்வுகள் ஏற்கனவே நடைபெற்று வருகிறது.
இந்நிலையில், தேர்வர்களின் கோரிக்கையை ஏற்று கூடுதலாக தற்போது 213 இடங்கள் சேர்க்கப்பட்டுள்ளது. இதன் மூலம் குரூப் 2 மற்றும் 2ஏ தேர்வுகளுக்கான காலிப்பணியிடக்களின் எண்ணிக்கை 2,540ஆக அதிகரித்துள்ளது. வருங்காலத்திலும் பல்வேறு தேர்வுகள் அடுத்தடுத்து நடைபெறும் போது, ஏற்கனவே அறிவிக்கப்பட்ட காலியிடங்களுடன் கூடுதலாக சில காலியிடங்கள் சேர்க்கப்படும் என்று டிஎன்பிஎஸ்சி சார்பில் தெரிவிக்கப்பட்டுள்ளது.
Read More : Drugs | நடிகர், நடிகைகளுக்கு போதைப்பொருள் சப்ளை..!! ஆர்யா பட நடிகை அதிரடி கைது..!!
