தமிழக அரசு இணையதளத்தில் அமைச்சர் செந்தில் பாலாஜியின் பெயருக்கு கீழ் இருந்த துறைகள் நீக்கப்பட்டிருக்கிறது சட்ட விரோத பண பரிவர்த்தனை தொடர்பான வழக்கில் அமலாக்க துறையால் கைது செய்யப்பட்ட அவரை நீதிமன்றம் ஜூன் மாதம் 28ஆம் தேதி வரையில் நீதிமன்ற காவலில் வைக்க வேண்டும் என உத்தரவு பிறப்பித்தது.
இதனை அடுத்து நிர்வாக காரணத்திற்காக அமைச்சர் செந்தில் பாலாஜி கவனத்திற்கு கீழ இருந்த மின்துறை மற்றும் மதுவிலக்கு ஆயத்தீர்வை உள்ளிட்ட துறைகள் அமைச்சர்கள் தங்கம் தென்னரசு மற்றும் முத்துசாமி உள்ளிட்டோருக்கு ஒதுக்கீடு செய்யப்பட்டிருக்கிறது.
இந்த சூழ்நிலையில் தான் தமிழக அரசு இணையதளத்தில் செந்தில் பாலாஜியின் பெயருக்கு கீழே இருந்த துறைகள் நீக்கப்பட்டு வெறும் அமைச்சர் என்று மட்டும் குறிப்பிடப்பட்டிருக்கிறது. அதோடு நிதி அமைச்சர் பொறுப்பு வகித்து வந்த தங்கம் தென்னரசு பெயருக்கு மின்சார துறையும் வீட்டு வசதி துறை அமைச்சராக இருந்த முத்துசாமி பெயருக்கு கீழ் மதுவிலக்கு மற்றும் ஆயத்தீர்வை துறையும் இணைக்கப்பட்டிருக்கிறது