சமீபத்தில் சின்னத்திரை சீரியல் நடிகை திவ்யா ஸ்ரீ போலீசில் ஒரு புகார் கொடுத்தார். அதில் தனது கணவர் தன்னை அன்றாடம் அடித்து துன்புறுத்தி வருவதாக கூறி இருந்தார்.
நடிகை திவ்யா ஸ்ரீ சீரியல் நடிகரான அர்ணவை காதலித்தார். இருவருக்கும் நெருக்கம் அதிகமாக நிலையில் லிவிங் டுகெதர் முறையில் வாழ்ந்து வந்தனர். அதன் பின்னர் இருவரும் இஸ்லாமிய முறைப்படி திருமணம் செய்து கொண்டனர்.
இத்தகைய சூழலில் இவர்களுக்குள் கருத்து வேறுபாடு ஏற்பட்ட நிலையில் திவ்யா ஸ்ரீ கணவர் மீது போலீசில் புகார் கொடுத்துள்ளார். இந்த புகாரின் பேரில் விசாரணைக்கு ஆஜராக சொல்லி அர்ணவுக்கு சம்மன் அனுப்பப்பட்டது
ஆனால், அவர் அதை மதிக்காமல் வழக்கம் போல தனது செயல்பாடுகளில் ஈடுபட்டு வந்தார். இதனை தொடர்ந்து, நேற்று படப்பிடிப்பு தளத்திலிருந்த அர்ணவை போலீசார் சென்று கைது செய்தனர்.
தற்போது அவர் செய்தியாளர்களிடம் பேசிய போது, “என் மீது கொடுக்கப்பட்டுள்ள புகார் பொய்யானது. உண்மை ஒருநாள் வெளிச்சத்திற்கு வரும் .என்னை பழிவாங்க வேண்டும் என்று திவ்யா ஸ்ரீ இதுபோல செய்துள்ளார். இப்ப உனக்கு சந்தோஷமா திவ்யா?” என்று செய்தியாளர்களிடம் பேசியவாறு தனது மனைவியை பார்த்து கேள்வி கேட்டுள்ளார்.
