விஜய் தொலைக்காட்சியில் ஒளிபரப்பாகி பலரின் நெஞ்சம் கவர்ந்த தொடர்களில் ஒன்று கனா காணும் காலங்கள். இந்த தொடரில், மஞ்சு கதாபாத்திரத்தில் நடித்து பிரபலமானாவர் தான் நடிகை சாய் காயத்ரி. இதையடுத்து, இவர் சிவா மனுசுல சக்தி, ஈரமான ரோஜவே, பாண்டியன் ஸ்டோர்ஸ் என பல தொடர்களிலும் நடித்துள்ளார். இவரது எதார்த்தமான பேச்சும் நடிப்பும் பலரை கவர்ந்தது. ‘நீ நான் காதல்’ என்ற தொடரில் அனு என்ற கதாபாத்திரத்தில் நடித்து வந்த இவருக்கு திடீரென உடல் நலம் பாதிக்கப்பட்டது. இதனால் இவர் அந்த தொடரில் இருந்து விலகினார்.
நடிப்பு ஒரு பக்கம் இருந்தாலும், மறுபக்கம் சாய் சீக்ரெட்ஸ் என்ற நிறுவனத்தையும் நடத்தி வருகிறார். இதில் எண்ணெய், குளியல் போடி, ஃபேஸ் பேக் போன்ற பொருள்களை விற்பனை செய்து வந்தார். இவரது நிறுவனத்தில் 20-க்கும் மேற்பட்ட பெண்கள் பணிபுரிந்து வருகின்றனர். இந்த நிலையில், சாய் காயத்ரி தயாரிப்புப் பணியில் ஈடுபட்டுக் கொண்டிருந்த போது எதிர்பாராத விதமாக அவரது கை, இயந்திரத்தில் சிக்கியுள்ளது. இதனால் காயமடைந்த அவர் மருத்துமனையில் அனுமதிக்கப்பட்டு சிகிச்சை பெற்று வருகிறார்.
இது தொடர்பாக, நடிகை சாய் காயத்ரி தன்னுடைய இன்ஸ்டாகிராம் பதிவில், “தயாரிப்புப் பணியில் ஈடுபட்டுக் கொண்டிருந்தபோது எதிர்பாராத விதமாக விபத்து ஏற்பட்டது. திருஷ்டி காரணமாக இது ஏற்பட்டது” என்று புகைப்படத்துடன் பதிவிட்டுள்ளார். இவரின் இந்த பதிவு அவரது ரசிகர்களின் மத்தியில் பெரும் சோகத்தை ஏற்படுதிள்ளது.
Read more: “கோவிலில், பூசாரி செய்யும் காரியமா இது?”; சாமி கும்பிட கோவிலுக்கு சென்ற சிறுவனுக்கு நேர்ந்த சோகம்..
