சென்னை சென்ட்ரல் – அரக்கோணம் மார்க்கத்தில் பட்டாபிராம் மற்றும் அம்பத்தூர் ரயில் நிலையம் இடையே பராமரிப்பு பணியின் ஒரு பகுதியாக நேற்று இரவு 10 மணி முதல் இன்று காலை 10 மணி வரை புறநகர் ரயில்களை தெற்கு ரயில்வே ரத்து செய்துள்ளது.
ரத்து செய்யப்பட்ட ரயில்களுக்குப் பதிலாக பின்வரும் பயணிகள் சிறப்பு ரயில் இயக்கப்படும். ஆனால் இந்த ரயில்கள் புட்லூர், திருநின்றவூர், நெமிலிச்சேரி, பட்டாபிராம், இந்துக் கல்லூரி, அண்ணனூர், திருமுல்லைவாயில், அம்பத்தூர், பட்டரவாக்கம் மற்றும் கொரட்டூர் ஆகிய இடங்களில் நிறுத்தப்படும்.
பட்டாபிராம் மற்றும் அம்பத்தூர் ரயில் நிலையம் இடையே பராமரிப்பு பணிகள் நடைபெறுவதால் சேவை ரத்து செய்யப்பட்டது. இதன் காரணமாக மொத்தம் 94 மின்சார ரயில்கள் ரத்து செய்யப்பட்டது. 10 மின்சார ரயில்கள் ஒரு சில ரயில் நிலையங்களில் நிற்காமல் செல்லும் என தெற்கு ரயில்வே தெரிவித்துள்ளது.
