சமீபத்தில் மலையாளத்தில் வெளியான மஞ்சும்மெல் பாய்ஸ் என்ற திரைப்படம் மலையாள சினிமா மட்டுமல்லாது தமிழ் சினிமாவிலும் மிகப்பெரிய வெற்றியை பெற்றிருக்கிறது. இந்நிலையில் திரைப்படத்தின் இயக்குனர் சிதம்பரம் மீது பாலியல் புகார் தெரிவிக்கப்பட்டு இருக்கும் சம்பவம் அதிர்ச்சியையும் பரபரப்பையும் ஏற்படுத்தி இருக்கிறது.
கொடைக்கானலில் உள்ள குணா குகையை மையமாகக் கொண்டு எடுக்கப்பட்ட மலையாள திரைப்படம் மஞ்சும்மெல் பாய்ஸ் இந்தத் திரைப்படத்தில் சௌபின் ஷாகிர் ஸ்ரீநாத் பாசி உள்ளிட்ட முன்னணி மலையாள நட்சத்திரங்கள் நடித்திருந்தனர். மேலும் இந்தத் திரைப்படத்தில் தமிழ் சினிமா நடிகர்கள் பலரும் முன்னணி கதாபாத்திரத்தில் நடித்திருக்கின்றனர். சிதம்பரம் என்பவர் இயக்கிய இந்த திரைப்படம் மிகப்பெரிய அளவில் வசூல் செய்து வெற்றிகரமாக ஓடிக் கொண்டிருக்கிறது.
தமிழகத்தின் பல முக்கிய நகரங்களிலும் அரங்கம் நிறைந்த காட்சிகளாக இந்த திரைப்படம் வெற்றி நடை போடுகிறது. இந்நிலையில் திரைப்படத்தின் இயக்குனர் சிதம்பரம் மீது பிராப்தி எலிசபெத் என்ற மலையாள நடிகை பாலியல் புகார் தெரிவித்திருக்கும் நிகழ்வு அதிர்ச்சியையும் பதட்டத்தையும் ஏற்படுத்தி இருக்கிறது. சிதம்பரம் இயக்குனராக அறிமுகம் ஆகிய ஜானுமன் என்ற திரைப்படத்தில் நடித்திருந்தவர் பிராப்தி எலிசபெத்.
தற்போது இவர் இயக்குனர் சிதம்பரம் மீது பாலியல் குற்றச்சாட்டை பதிவு செய்திருக்கிறார். இது தொடர்பாக தனது சமூக வலைதள பக்கத்தில் பதிவு செய்திருக்கும் அவர் இந்தப் பாலியல் குற்றச்சாட்டுகளுக்கான ஆதாரங்கள் தனது வாட்ஸ்அப் சாட்டில் இருப்பதாகவும் தெரிவித்திருக்கிறார். 2021 ஆம் வருடம் சூட்டிங் தளத்தில் தன்னிடம் முறையற்ற வகையில் நடந்து கொண்டதாகவும் தனது குற்றச்சாட்டில் தெரிவித்திருக்கிறார்.
