Virender Sehwag: ரசிகர்களால் ‘விரு’ என்று செல்லமாக அழைக்கப்படும் வீரேந்திர சேவாக், இந்திய கிரிக்கெட் அணியின் ஓபனிங் பேட்ஸ்மேன்களில் தனக்கென அழியா புகழும், மற்ற அணிகளுக்கு அச்சுறுத்தலை ஏற்படுத்தும் புயலாகவும் திகழ்ந்தவர். 20 ஆண்டுகளுக்கு முன்பு இந்தியாவின் பரம எதிரியான பாகிஸ்தானுக்கு எதிராக முச்சதம் சதம் அடித்து, கிரிக்கெட் உலகில் புயலை கிளப்பியவர் வீரேந்திர சேவாக். அந்த இன்னிங்ஸில் 39 பவுண்டரிகள் மற்றும் 6 சிக்ஸர்களை பதிவு செய்தார். அந்த நேரத்தில், அவர் டெஸ்ட் கிரிக்கெட்டில் ஒரு இந்தியரின் அதிகபட்ச தனிநபர் ஸ்கோர் என்ற சாதனையை முறியடித்தார், அதே நேரத்தில் இந்திய அணியை இன்னிங்ஸ் மற்றும் 52 ரன்கள் வித்தியாசத்தில் வெற்றியைப் பெற உதவினார்.
விரேந்தர் சேவாக் 2004 ஆம் ஆண்டு குழந்தை பருவ காதலி ஆர்த்தி அஹ்லாவத்தை என்பவரை மணந்தார். இந்த தம்பதியருக்கு ஆர்யவீர் மற்றும் வேதாந்த் என்ற இரண்டு மகன்கள் உள்ளனர். இந்தநிலையில் இருவரும் ஒரு வருடத்திற்கும் மேலாக பிரிந்து வாழ்ந்து வருவதாக வட்டாரங்களிலிருந்து வரும் புதிய தகவல்கள் தெரிவிக்கின்றன, இது ரசிகர்களை அதிர்ச்சியில் ஆழ்த்தியுள்ளது. கடந்த ஆண்டு, தீபாவளி 2024 அன்று, கிரிக்கெட் வீரர் தனது அம்மா மற்றும் மூத்த மகன் ஆர்யவீருடன் ஒரு படத்தைப் பகிர்ந்து கொண்டார். ஆனால், அவரது மனைவி மற்றும் இளைய மகன் வேதாந்த் எங்கும் காணப்படவில்லை.
அதே நேரத்தில், சேவாக் தனது மனைவியை இன்ஸ்டாகிராமில் பின்தொடர்வதை நிறுத்தியுள்ளார், இதையொட்டி, அவரது கணக்கை தனிப்பட்டதாக மாற்றியுள்ளார். இந்த நடவடிக்கைகள் அனைத்தும், இந்த ஜோடிக்கு இடையேயான உறவில் விரிசல் உள்ளதா என்று ரசிகர்களை கவலையடையச் செய்துள்ளன. மேலும், வீரேந்தரும் ஆர்த்தியும் ஒரு வருடத்திற்கும் மேலாக தனித்தனியாக வாழ்ந்து வருவதாகவும், ஒரு மகன் வீரேந்தருடனும், மற்றொரு மகன் ஆர்த்தியுடனும் வசித்து வருவதாகவும் உள் வட்டாரங்கள் தெரிவிக்கின்றன.
