தற்போதைய காலகட்டத்தில் மாரடைப்பு காரணமாக நொடியில் நிகழும் மரணம் தொடர்பான சம்பவங்கள் தொடர்ந்து நடைபெறுகின்றன. அதிலும், விழாக்களில் நடனமாடிக்கொண்டிருக்கும் போது, மேடையில் பேசிக்கொண்டிருக்கும்போது என பொது நிகழ்ச்சிலேயே இதுபோன்ற பல்வேறு சம்பவங்கள் அரங்கேறி வருகின்றன.
அப்படி ஒரு நிகழ்வு தான் தற்போது நிகழ்ந்துள்ளது. மத்திய பிரதேச மாநிலம் சியோனி மாவட்டத்தில் டிசம்பர் 14 இரவு திருமண நிகழ்ச்சி ஒன்றில் 4,5 பெண்கள் மேடையில் நடனமாடுகின்றனர். அப்போது நடனமாடும் 60 வயது மதிக்கத்தக்க பெண் ஒருவர் நடனமாடிக்கொண்டிருந்த போது, மயங்கி விழுந்தார்.
மேடையில் மயங்கி விழுந்த அவரை உடனடியாக மருத்துவமனைக்கு கொண்டு சென்ற பின்னர், அவரை பரிசோத்தித்த மருத்துவர்கள் மாரடைப்பால் உயிரிழந்ததாக தெரிவிக்கின்றனர். நடனமாடிக்கொண்டிருந்த போது மயங்கி விழுந்து பெண் உயிரிழந்த சம்பவம் அதிர்ச்சியை ஏற்படுத்தியுள்ளது. இதில் நடனமாடும் மேடையில், அந்த பெண் விழுந்த சம்பவத்தின் வீடியோ தற்போது வைரலாகியுள்ளது.
