இந்தோனேசியாவின் கெபுலாவான் லாட் தீவு பகுதியில் நள்ளிரவில் ஏற்பட்ட நிலநடுக்கத்தால் மக்கள் அச்சம் அடைந்துள்ளனர். இந்தோனேசியாவின் கெபுலாவான் லாட் தீவு பகுதியில் நள்ளிரவு 1.39 மணிக்கு நிலநடுக்கம் ஏற்பட்டது. இது ரிக்டர் அளவில் 6.6 ஆக பதிவாகியுள்ளதாக ஐரோப்பிய மத்திய தரைக்கடல் நில அதிர்வு மையம் தெரிவித்துள்ளது.
நிலநடுக்கம் காரணமாக பீதியடைந்த மக்கள் சாலைகளில் தஞ்சமடைந்தனர். சக்தி வாய்ந்த நிலநடுக்கம் ஏற்பட்ட போதிலும் சுனாமி எச்சரிக்கை எதுவும் விடப்படவில்லை. இந்த நிலநடுக்கத்தால் என்னென்ன பாதிப்புகள் ஏற்பட்டுள்ளது என்ற தகவல் இதுவரை வெளியாகவில்லை.
