fbpx

’ஞாயிற்றுக்கிழமை உங்க விருப்பம்தான்’..!! ஏமாற்றி திருமணம் செய்த நபருக்கு இப்படி ஒரு தீர்ப்பா..?

இரண்டு மனைவிகளுடனும் கணவர் சேர்ந்து வாழ்வதற்கு வழங்கப்பட்ட தீர்ப்பு ஒன்று பெரும் அதிர்ச்சியை ஏற்படுத்தியுள்ளது.

உத்தரப்பிரதேச மாநிலம் மொராதாபாத் பகுதியைச் சேர்ந்த நபர், தனது மனைவி மற்றும் 3 குழந்தைகளோடு வசித்து வந்துள்ளார். பின்னர், கருத்து வேறுபாடு காரணமாக இருவரும் பிரிந்து தனியாக வசித்து வந்துள்ளனர். இதற்கிடையே, அந்த நபருக்கு வேறொரு பெண்ணுடன் பழக்கம் ஏற்பட்டுள்ளது. பிறகு, தன்னுடைய முதல் திருமணத்தை மறைத்து கடந்த 2017இல் அந்தப் பெண்ணை இரண்டாவது திருமணம் செய்துகொண்டு வாழ்ந்து வந்துள்ளார். இந்தப் பெண்ணுக்கும் இவருக்கும் மற்றொரு பெண் குழந்தை உள்ளது. அதேநேரத்தில், முதல் மனைவியின் வீட்டுக்கும் அவ்வப்போது இவர் வந்து சென்றுள்ளார். முதல் மனைவிக்கு தனது கணவர் இரண்டாவது திருமணம் செய்த விஷயம் தெரியவில்லை.

’ஞாயிற்றுக்கிழமை உங்க விருப்பம்தான்’..!! ஏமாற்றி திருமணம் செய்த நபருக்கு இப்படி ஒரு தீர்ப்பா..?

இந்நிலையில், இரண்டாவதாக திருமணம் செய்த பெண், தன் கணவரிடம் ‘உங்கள் வீட்டுக்கு என்னை அழைத்துச் செல்லுங்கள். உங்களது பெற்றோரைப் பார்க்க வேண்டும்’ என கேட்டுள்ளார். அதற்கு மறுப்பு தெரிவித்த கணவர், 2-வது மனைவியை அந்த இடத்திலிருந்து வேறு இடத்தில் கொண்டுபோய் குடியமர்த்தியதாகத் தெரிகிறது. இதனால், கணவர் மீது சந்தேகம் அடைந்த அந்தப் பெண், அவர் குறித்த விஷயங்களைத் திரட்டி அவரது சொந்த ஊருக்குச் சென்றுள்ளார். அங்கு தான் அவருக்கு மிகப்பெரிய அதிர்ச்சி காத்திருந்தது. தனக்கு திருமணமான விஷயத்தை மறைத்தது தொடர்பாக அங்கு மூவருக்குள்ளும் பிரச்சனை வெடித்துள்ளது. இறுதியில் இவ்விவகாரம் தொடர்பாக 2-வது மனைவி போலீசில் புகார் அளித்தார். இதையடுத்து, இந்த வழக்கு பின்னர் நாரி உத்தன் கேந்திராவுக்கு கவுன்சிலிங்கிற்காக மாற்றப்பட்டது. அங்கு வழங்கப்பட்ட தீர்ப்புதான் வினோதமாக இருக்கிறது.

அங்கு மூவரையும் கவுன்சிலிங்கிற்கு அனுப்பிய காவல்துறையினர், பேசி முடிவெடுக்க அறிவுறுத்தியுள்ளனர். அதன்படி, திங்கள் முதல் புதன் கிழமை வரை கணவர், முதல் மனைவியின் வீட்டிலேயும், வியாழன் முதல் சனிக்கிழமை வரை இரண்டாவது மனைவியின் வீட்டிலேயும் இருந்து குடும்பம் நடத்த அறிவுறுத்தப்பட்டுள்ளது. அதேபோல, வார இறுதி நாளான ஞாயிற்றுக்கிழமையில் கணவர் எந்த மனைவியோடு இருக்க ஆசைப்படுகிறாரோ, அந்த மனைவியுடன் இருந்து கொள்ள அனுமதியும் வழங்கப்பட்டுள்ளது. இந்த தீர்ப்புக்கு மூவரும் சம்மதித்து ஒப்பந்தமும் போடப்பட்டு கையெழுத்தும் வாங்கப்பட்டுள்ளதாம். இந்த வினோதமான தீர்ப்பைக் கண்டு அப்பகுதி மக்கள் அதிர்ச்சியடைந்துள்ளனர்.

Chella

Next Post

குடும்பத் தகராறு….! மனைவியோடு சேர்த்து குழந்தைகளையும் கொலை செய்து புதைத்த ரயில்வே ஊழியர்….!

Mon Jan 23 , 2023
குடும்பம் என்று இருந்தால் குடும்பத்தில் தகராறு வருவது சகஜமான விஷயம்தான். அப்படி கணவன், மனைவிக்குள் அடிக்கடி எழும் பிரச்சனைகளால் தான் ஒருவருக்கொருவர் நன்றாக புரிந்து கொள்ள முடியும். ஆனால் கணவன், மனைவிக்குள் பிரச்சனை ஏற்பட்டால் நிச்சயமாக யாராவது ஒருவர் இறங்கி போய் பேச வேண்டும். அப்படி இல்லாமல் கோபம் தான் பெரிது என்று ஒருவரை ஒருவர் முறைத்துக் கொண்டே இருந்தால் அந்த சண்டைக்கு முடிவே இருக்காது. மத்திய பிரதேச மாநிலம் […]

You May Like