தேமுதிக பொதுச்செயலாளராக பிரேமலதா விஜயகாந்த் தேர்வு செய்யப்பட்ட பின்னர் இன்று தனது கட்சி அலுவலகத்தில் செய்தியாளர்களை சந்தித்தார். அப்போது அவர் பேசுகையில், ”அரசியலில் பெண்கள் இருப்பது சவாலான விஷயம். ஜெயலலிதா அந்த சவால்களை சந்தித்து வெற்றி பெற்றவர். கடந்த 2005இல் தொடங்கப்பட்ட தேமுதிக, மக்களுடனும் ஆண்டவனுடனும்தான் கூட்டணி என்று கூறி தேர்தலில் தனித்து போட்டியிட்டது. 2011 வரைக்கும் தமிழக அரசியலில் தனித்தே கோலோச்சியது தேமுதிக.
விஜயகாந்த் கடந்த 2016 வரைக்கும் உடல்நலத்துடன்தான் இருந்தார். தமிழ்நாடு முழுவதும் தேர்தல் பிரச்சாரம் செய்தார். 2017 முதலே அவரது உடல்நலம் படிப்படியாக பாதிக்கப்பட்டது. பேச்சு குறைந்து போனது செயல்பாடுகள் படிப்படியாக முடங்கி விட்டது. 70 வயதாகும் விஜயகாந்த் தற்போது சர்க்கர நாற்காலியில் வரும் அளவிற்கு உடல் நிலை பாதிக்கப்பட்டுள்ளது. விஜயகாந்த் உடல் நலம் பாதிக்கப்பட காரணம் நம்பிக்கை துரோகம் தான். தன்னை சுற்றியிருந்தவர்களை அதிகம் நம்புவார் விஜயகாந்த். நம்பியவர்கள் செய்த துரோகம்தான் உடல் நலம் பாதிக்க காரணம்” என்றார்.
