பிரதம மந்திரி கிசான் சம்மன் நிதி யோஜனா திட்டத்தின் கீழ், நாட்டில் உள்ள சிறு மற்றும் குறு விவசாயிகள் குடும்பங்களுக்கு 6,000 ரூபாய் நிதியுதவி வழங்கப்படுகிறது. டிஜிட்டல் இந்தியா முன்முயற்சியுடன் இணைந்து, அரசாங்கம் ரூ.2,000 பணத்தை தகுதியுள்ள விவசாயிகளின் வங்கிக்கணக்கில் செலுத்துகிறது.. ஒவ்வொரு நான்கு மாதங்களுக்கும், அதாவது ஏப்ரல்-ஜூலை, ஆகஸ்ட்-நவம்பர் மற்றும் டிசம்பர்-மார்ச் என மூன்று தவணைகளில் தலா ரூ.2,000 வீதம் ஆண்டுக்கு ரூ.6,000 பணம் தகுதியான விவசாயிகளுக்கு வழங்கப்படும்.
இந்நிலையில் பிஎம் கிசான் சம்மான் திட்டத்தின் 13-வது தவணைக்காக லட்சக்கணக்கான விவசாயிகள் ஆர்வமுடன் காத்திருக்கின்றனர்.. 13-வது தவணையான ரூ.2000 எப்போது வழங்கப்படும் என்பது குறித்து அரசாங்கம் இதுவரை எந்த அறிவிப்பையும் வெளியிடவில்லை.. எனினும், விரைவில் இதற்கான அறிவிப்பு வெளியாகும் என்று எதிர்பார்க்கப்படுகிறது… இத்திட்டத்தின் பயன்பெற தகுதியான விவசாயிகள் PM Kisan Portal-ல் தங்கள் பெயர்களைப் பார்த்து தங்களின் தகுதியை உறுதிப்படுத்திக் கொள்ளலாம்.
இருப்பினும், அனைத்து விவசாயிகளுக்கும் இந்த திட்டத்தின் கீழ் ரூ.2000 பணம் பெறமுடியாது.. ஆதார் மற்றும் இந்திய தேசிய கொடுப்பனவு கழகத்துடன் உடன் இணைக்கப்படாத வங்கிக் கணக்குகளை கொண்ட விவசாயிகளுக்கு பலன் கிடைக்காது. அடுத்த தவணையைப் பெற, விவசாயிகள் அஞ்சல் அலுவலகத்தில் இந்தியா போஸ்ட் பேமென்ட் வங்கியில், நேரடி பயன் பரிமாற்ற திட்டங்கள் பெறும் வங்கிக் கணக்கைத் தொடங்க வேண்டும்.
இந்தத் திட்டத்தின் பயனைப் பெற பயனாளிகள் தங்கள் eKYC-ஐ நிறைவு செய்வதும் அவசியம். அவர்கள் தங்கள் ஆதாரை PM-கிசான் போர்டல் மற்றும் மொபைல் எண்ணுடன் OTP மூலம் இணைக்கலாம் அல்லது அவர்களின் அருகிலுள்ள மையங்களுக்குச் சென்று பயோமெட்ரிக்ஸுடன் தங்கள் eKYC ஐப் புதுப்பிக்கலாம்.
eKYC ஐ முடிக்க, விவசாயிகள் பிரதான் மந்திரி கிசான் யோஜனாவின் அதிகாரப்பூர்வ வலைத்தளத்தைப் பார்வையிட வேண்டும், eKYC விருப்பத்தை கிளிக் செய்து, அவர்களின் ஆதார் எண் மற்றும் கேப்ட்சா தகவலைச் சமர்ப்பிக்க வேண்டும். அவர்களின் மொபைல் எண்ணுக்கு OTP அனுப்பப்படும், அதை அவர்கள் பூர்த்தி செய்து தொடர வேண்டும். அடுத்த கட்டத்தில் eKYC முடிக்கப்படும்.
மேலும் e-KYC மற்றும் பதிவு நடைமுறைகளுடன் விவசாயிகளுக்கு உதவுவதற்காக நாடு முழுவதும் பொது சேவை மையங்களை மத்திய அரசு நிறுவியுள்ளது. பயோமெட்ரிக்ஸ் மற்றும் OTP அடிப்படையிலான e-KYC வசதிகளைப் பயன்படுத்தி e-KYC செயல்முறையை முடிக்க விவசாயிகள் இந்த இடங்களுக்குச் செல்லலாம்.
