வெல்லம் ஆரோக்கியத்திற்கு மிகவும் பயனுள்ளதாக கருதப்படுகிறது. பெரும்பாலும் சுத்திகரிக்கப்பட்ட சர்க்கரைக்கு ஆரோக்கியமான மாற்றாக இது கருதப்படுகிறது. வெல்லத்தில் இரும்பு, கால்சியம், பொட்டாசியம் மற்றும் ஆன்டிஆக்ஸிடன்ட்கள் உள்ளன.
குறிப்பாக வெல்லத்தில் ஆன்டிஆக்ஸிடன்ட்கள் நிரம்பியுள்ளன, இது உடலில் உள்ள தீங்கு விளைவிக்கும் ஃப்ரீ ரேடிக்கல்களை எதிர்த்துப் போராட உதவுகிறது, புற்றுநோய் மற்றும் இதய நோய் போன்ற நாள்பட்ட நோய்களின் அபாயத்தைக் குறைக்கிறது.
வெல்லம் உடலில் உள்ள செரிமான நொதிகளைத் தூண்டுகிறது. இதனால் செரிமானம் மேம்படுவதுடன், அஜீரணம், மலச்சிக்கல் மற்றும் வாய்வு போன்ற செரிமான கோளாறுகளும் குறையும்.
வெல்லம் ஒரு இயற்கை நச்சு நீக்கியாக செயல்படுகிறது. இது, உடலில் இருந்து நச்சுகளை வெளியேற்றி கல்லீரலை சுத்தப்படுத்த உதவுவதுடன் ஒட்டுமொத்த செயல்பாட்டை மேம்படுத்துகிறது.
வெல்லத்தில் உள்ள இரும்பு மற்றும் ஃபோலேட் உள்ளடக்கம் சரியான இரத்த ஓட்டத்தை பராமரிக்க உதவுகிறது. மேலும் இது மாதவிடாய் வலி மற்றும் பிடிப்புகளைப் போக்க உதவுகிறது.
வெல்லத்தில் இரும்புச்சத்து நிறைந்துள்ளது. இது இரும்புச்சத்து குறைபாடு இரத்த சோகையால் பாதிக்கப்பட்டவர்களுக்கு நன்மை பயக்கும். வெல்லத்தை தொடர்ந்து உட்கொள்வது இரத்தத்தில் ஹீமோகுளோபின் அளவை அதிகரிக்க உதவும்.
அத்தியாவசிய தாதுக்கள் மற்றும் வைட்டமின்கள் நிறைந்த, வெல்லம் நோய் எதிர்ப்பு சக்தியை பலப்படுத்துகிறது, மேலும் உடலை நோய்த்தொற்றுகளில் இருந்து பாதுகாக்கிறது.
வெல்லத்தின் ஒவ்வாமை எதிர்ப்பு பண்புகள் ஆஸ்துமா, மூச்சுக்குழாய் அழற்சி மற்றும் ஒவ்வாமை போன்ற சுவாச பிரச்சனைகளைத் தடுக்க உதவுகிறது, இந்த நிலைமைகளால் பாதிக்கப்பட்ட நபர்களுக்கு நிவாரணம் அளிக்கிறது.
வெல்லத்தில் உள்ள இயற்கை பசியைக் கட்டுப்படுத்தவும் கலோரி உட்கொள்ளலைக் குறைக்கவும் உதவுகிறது. எனவே உடல் எடை இழப்பிற்கும் உதவுகிறது. இவ்வளவு நன்மைகள் நிறைந்திருந்தாலும் வெல்லம் சிலருக்கு தீங்கு விளைவிக்கும். யாரெல்லாம் வெல்லம் சாப்பிடக்கூடாது, ஒரு நாளைக்கு எவ்வளவு சாப்பிட வேண்டும் என்று தெரியுமா?
வெல்லத்தின் அளவு நபரின் உடலைப் பொறுத்து மாறுபடும். ளிர்காலத்தில் 10 கிராம் முதல் 20 கிராம் வரை வெல்லம் சாப்பிட மருத்துவர்கள் பரிந்துரைக்கின்றனர். அதே சமயம் மருத்துவரின் ஆலோசனையின் பேரில் 50 கிராம் வரை வெல்லத்தை உணவில் சேர்த்துக்கொள்ளலாம்.
யாரெல்லாம் வெல்லம் சாப்பிடக்கூடாது?
சர்க்கரை நோய் இருந்தால் வெல்லம் சாப்பிடுவதை தவிர்க்கவும். வெல்லத்தில் சர்க்கரை உள்ளது என்பதை நினைவில் கொள்ளவும், எனவே உயர் இரத்த சர்க்கரை அளவு உள்ளவர்கள் அதை உட்கொள்வதை தவிர்க்க வேண்டும்.
அதே போல் உங்கள் உடலில் ஹீமோகுளோபின் அளவு ஏற்கனவே அதிகமாக இருந்தால், தினமும் வெல்லம் சாப்பிடுவது ஆரோக்கியத்திற்கு தீங்கு விளைவிக்கும்.
வெல்லத்தை உட்கொள்வது ஒரு நபருக்கு பற்கள் தொடர்பான பிரச்சினைகளையும் ஏற்படுத்தும்.
வெல்லம் சாப்பிடுவதால் வயிற்றுப் புழுக்கள் பிரச்சனையும் வரலாம் என்று உங்களுக்குச் சொல்கிறோம்.
ஏற்கனவே உடல் உஷ்ணம் அதிகமாக உள்ளவர்கள் வெல்லம் அதிகமாக சாப்பிடக்கூடாது, இல்லையெனில் காய்ச்சல், வயிற்றுப்போக்கு, வாந்தி போன்ற பிரச்சனைகளை சந்திக்க நேரிடும்.
Read More : சளி, இருமலுக்கு குட்பை சொல்லணுமா..? வீட்டில் இருக்கும் இந்த 3 பொருட்களே போதும்..
