சென்னையில் தங்கம் விலை சவரனுக்கு ரூ.320 குறைந்து ரூ.38,120-க்கு விற்பனையாகிறது..
உக்ரைன் – ரஷ்யா போர் உள்ளிட்ட பல காரணங்களால் சர்வதேச அளவில் பொருளாதார அச்சுறுத்தல்கள் ஏற்பட்டுள்ளது.. கச்சா எண்ணெய், தங்கம் ஆகியவற்றின் விலை உயர்ந்து கொண்டே வருகிறது.. பங்குச்சந்தைகள் சரிந்து வருகின்றன.. பாதுகாப்பு கருதி பல முதலீட்டாளர்கள் பங்குச்சந்தையில் இருந்து பணத்தை எடுத்து தங்கத்தில் முதலீடு செய்து வருகின்றனர்.. இதனால் தங்கத்தின் தேவை அதிகரித்துள்ளது..
இந்நிலையில் தங்கம் விலை கடந்த சில நாட்களாகவே குறைவதும் பின்னர் அதிகரிப்பதும் என்ற நிலையே நீடித்து வருகிறது.. அந்த வகையில் தங்கம் விலை இன்று மீண்டும் குறைந்துள்ளது.. சென்னையில் இன்று கலை 22 கேரட் ஆபரண தங்கத்தின் விலை சவரனுக்கு ரூ.280 குறைந்து ரூ.38,160-க்கு விற்பனை செய்யப்பட்டது..
இந்நிலையில் சென்னையில் இன்று 2-வது முறையாக தங்கம் விலை குறைந்துள்ளது.. இன்று மாலை நிலவரப்படி தங்கம் விலை மேலும் குறைந்துள்ளது.. அதன்படி ஒரு கிராமுக்கு ரூ.40 குறைந்து ரூ.4765-க்கு விற்பனை செய்யப்படுகிறது.. ஒரு சவரனுக்கு ரூ.320 குறைந்து ரூ.38,120-க்கு விற்பனை செய்யப்படுகிறது.. இதே போல் வெள்ளியின் விலையும் இன்று குறைந்துள்ளது ஒரு கிராம் வெள்ளி 70 காசு குறைந்து ரூ.60-க்கு விற்பனை செய்யப்படுகிறது.. இதனால் ஒரு கிலோ வெள்ளி ரூ.60,000-க்கு விற்பனை செய்யப்படுகிறது.
