உலகக்கோப்பை கிரிக்கெட் தொடரின் இறுதிப்போட்டி நாளை நடைபெறவுள்ள நிலையில், இந்த போட்டியில் யார் கோப்பை வெல்வார் என்பது குறித்து பிரபல ஜோதிடர் ஒருவர் கணித்துள்ளார்.
2023 உலகக்கோப்பை கிரிக்கெட் தொடர் இந்தியாவில் கடந்த அக்டோபர் 5ஆம் தேதி தொடங்கியது. 10 அணிகள் பங்கேற்ற இந்த தொடரில் லீக் மற்றும் அரையிறுதி சுற்றுகளின் முடிவில் இந்தியா மற்றும் ஆஸ்திரேலியா அணிகள் இறுதிப்போட்டிக்கு தகுதி பெற்றுள்ளன. இதற்கிடையே, நாளை அகமதாபாத் மைதானத்தில் நடைபெற உள்ள இறுதிப்போட்டியில் இரு அணிகளும் பலப்பரீட்சை நடத்துகின்றனர்.
இந்நிலையில், உலகக்கோப்பை கிரிக்கெட் தொடரின் சாம்பியன் யார் என்பது குறித்து போட்டிக்கு முன்னரே ஜோதிடர் பண்டிட் ஜெகநாத் குருஜியின் கணிப்புகள் வெளியாகியுள்ளது. அதன்படி, இரு தரப்பு ஜாதகங்களையும் ஒப்பிட்டுப் பார்த்தால், ஆஸ்திரேலியாவுக்கு எதிராக இந்தியாவே முன்னிலை வகிக்கிறது. இந்த முறை கோப்பையை இந்தியாதான் கைப்பற்றப் போகிறது என்பதை இது குறிக்கிறது. தற்போது ஆஸ்திரேலியாவை விட இந்தியாவின் ஜாதகம் மிகவும் சிறப்பாகவும் வலுவாகவும் உள்ளது.
ரோஹித் சர்மாவின் ஜாதகம் இந்த உலகக் கோப்பையில் அவரது தலைமைத் திறமைக்கு உதவியது. மேலும், ரோஹித்தின் கிரக நிலைகள் மற்றும் சீரமைப்புகள் 2011 உலகக் கோப்பையில் தோனியின் நிலையைப் போலவே இருக்கின்றன. நவம்பர் 19, 2023 அன்று அகமதாபாத்தில், ஐசிசி உலகக் கோப்பை 2023 கோப்பையைத் தூக்கி, தனக்கும் அணிக்கும் சரித்திரம் படைக்கப் போகிறார் என்று பண்டிட் ஜகன்னாத் குருஜி கூறியுள்ளார்.
