புதுக்கோட்டை அரசு மகளிர் கலை கல்லூரியில் நடைபெற்ற டிஎன்பிஎஸ்சி தேர்வை 666 பேர் எழுதினர். அப்போது புதுக்கோட்டை மாவட்டம் அறந்தாங்கி அருகே உள்ள குளத்துறை சேர்ந்த தர்மர் (20) என்ற நபர் பட்டன் கேமரா மற்றும் ப்ளூடூத் உள்ளிட்டவற்றை பயன்படுத்தி தேர்வு எழுதியது கண்டுபிடிக்கப்பட்டது.
இதனை அடுத்து, அவர் தேர்வு எழுதுவதற்கு தடை விதிக்கப்பட்டதுடன் இந்த விவகாரம் குறித்து புதுக்கோட்டை நகர காவல் நிலையத்தில் புகார் வழங்கப்பட்டது.
ஆகவே தர்மரை காவல்துறையினர் பிடித்து வந்து விசாரணை மேற்கொண்டனர்
அப்போது அவருக்கு ஈரோட்டில் இருந்து பரணிதரன் (20 )என்பவர் உதவி புரிந்தார் என தெரிய வந்தது. இதனைத் தொடர்ந்து தர்மரை காவல்துறையினர் கைது செய்தனர் பாரணிதரன் விரைவில் கைது செய்யப்படுவார் என்று காவல்துறை தரப்பில் தெரிவிக்கப்பட்டுள்ளது.
