இரு செயற்கைக்கோள்களை இணைக்கும் டாக்கிங் செயல்முறை வெற்றிகரமாக முடிந்ததாக இஸ்ரோ தகவல் தெரிவித்துள்ளது. 200 கிலோ எடை கொண்ட இரு செயற்கைக்கோள்கள் பரிசோதனை முயற்சியாக இணைக்கப்பட்டது. மனிதர்களை விண்வெளிக்கு அனுப்பும் ககன்யான், சந்திரயான் 4 திட்டங்களுக்கு டாக்கிங் என்பது முக்கியமானது. டாக்கிங் செயல்முறையை நிகழ்த்தி அமெரிக்கா, ரஷ்யா, சீனாவுக்கு அடுத்து இந்தியா சாதனைப் படைத்துள்ளது.
கடந்த டிசம்பர் 30ஆம் தேதி பி.எஸ்.எல்.வி. சி-60 ராக்கெட் மூலம் இரு செயற்கைக் கோள்கள் விண்வெளிக்கு அனுப்பப்பட்டன. 4 முறை டாக்கிங் பரிசோதனை ஒத்திவைக்கப்பட்ட நிலையில், இன்று காலை இணைக்கப்பட்டதாக இஸ்ரோ தெரிவித்துள்ளது. செயற்கைக்கோள்களின் இடைவெளி 15 மீட்டரில் இருந்து 3 மீட்டருக்கு குறைக்கப்பட்ட பின் இரண்டும் இணைக்கப்பட்டன. செயற்கைக்கோள்கள் ஒருங்கிணைப்பு பணி வரலாற்று சிறப்பு மிக்க தருணம் என இஸ்ரோ பதிவிட்டுள்ளது.
Read More : அதிர்ச்சி மேல் அதிர்ச்சி..!! ரூ.59,000-ஐ கடந்த தங்கம் விலை..!! ஒரே நாளில் சவரனுக்கு ரூ.400 உயர்வு..!!
