NOTA: 2013 ஆம் வருடத்திலிருந்து பெரும்பாலான பொதுத் தேர்தல்களில் நோட்டாவிற்கு வாக்களிக்கும் அதிகாரம் இந்திய வாக்காளர்களுக்கு வழங்கப்பட்டது.
தேர்தலில் போட்டியிடும் வேட்பாளர்கள் எவருக்கும் வாக்களிக்காமல் இருப்பதன் மூலம் குடிமக்கள் தங்கள் அதிருப்தியை வெளிப்படுத்த நோட்டா அனுமதிக்கிறது. குடிமக்கள் தங்கள் அதிருப்தியை வெளிப்படுத்துவதற்கான வாய்ப்பை வழங்குவதன் மூலம் ஜனநாயக செயல்பாட்டில் அதிக பங்களிப்பை ஊக்குவிப்பதை நோக்கமாகக் கொண்டு நோட்டா அறிமுகப்படுத்தப்பட்டது.
ஒரு நோட்டா வாக்கு நடுநிலையாகக் கருதப்படுகிறது மற்றும் இறுதி வாக்கு எண்ணிக்கையில் பங்களிக்காது. நோட்டா வாக்கு என்பது எதிர்மறையில் இருந்து வேறுபட்டது. நோட்டா வாக்கு கணிதத்தின் படி பூஜ்ஜியமாக இருந்தாலும் அதனை கணக்கில் எடுத்துக் கொள்வது அரசியல் கட்சிகள் தகுதி வாய்ந்த வேட்பாளர்களை நியமிக்க கட்டாயப்படுத்தும் என்று 2013 ஆம் ஆண்டு உச்ச நீதிமன்ற தீர்ப்பு வலியுறுத்தியது. வேட்பாளர் தேர்வில் அரசியல் கட்சிகளை பொறுப்பேற்க வைப்பதில் நோட்டாவின் முக்கியத்துவத்தை இது அடிக்கோடிட்டுக் காட்டுகிறது.
அக்டோபர் 11, 2013 முதல் EVMகள் மற்றும் பிற வாக்குச் சீட்டுகளில் NOTA விருப்பத்தை இந்தியத் தேர்தல் ஆணையம் அறிமுகப்படுத்தியது. மற்ற தேர்தல் சின்னங்களைப் போலவே ஒரு குறிப்பிட்ட சின்னமும் வாக்காளர்கள் நோட்டாவை பயன்படுத்துவதற்கு வசதியாக இந்திய தேர்தல் ஆணையத்தால் அறிமுகப்படுத்தப்பட்டது. நோட்டா சின்னம் அனைத்து இவிஎம் மிஷின்கள் மற்றும் வாக்குச்சீட்டுகளின் கடைசி பேனலில் தோன்றும். நோட்டா விருப்பம் முதன்முதலில் 2013 இல் சத்தீஸ்கர், மிசோரம், ராஜஸ்தான் மத்தியப் பிரதேசம் மற்றும் டெல்லி சட்டமன்றத் தேர்தல்களின் போது பயன்படுத்தப்பட்டது.
நோட்டாவின் மதிப்பு பூஜ்ஜியமாக இருந்தாலும் 100% வாக்காளர்களும் நோட்டாவிற்கு வாக்களித்தால் மீண்டும் தேர்தல் நடத்தப்பட வேண்டும். அதே நேரம் ஒரு வாக்காளர் வேட்பாளருக்கு வாக்களித்தாலும் அந்த வேட்பாளர் வெற்றி பெற்றவராக அறிவிக்கப்படுவார்.
543 மக்களவைத் தொகுதிகளுக்கான தேர்தல் ஏப்ரல் 19ஆம் தேதி தொடங்கி ஏழு கட்டங்களாக நடைபெறுகிறது. முதல்கட்டமாக 21 மாநிலங்கள் மற்றும் யூனியன் பிரதேசங்களில் உள்ள 102 மக்களவைத் தொகுதிகளுக்குத் தேர்தல் நடைபெறுகிறது. இரண்டாம் கட்ட தேர்தல் ஏப்ரல் 26ம் தேதியும், அதைத் தொடர்ந்து மே 7, மே 13, மே 20, மே 25 மற்றும் ஜூன் 1 ஆகிய தேதிகளிலும் வாக்குப்பதிவு நடைபெறும். வாக்கு எண்ணிக்கை ஜூன் 4ம் தேதி நடைபெறும். இந்திய தேர்தல் ஆணையரின் கூற்றுப்படி, 2024 மக்களவைத் தேர்தலில் 96.8 கோடி வாக்காளர்கள் வாக்களிக்கத் தகுதி பெறுவார்கள். இதற்கான ஏற்பாடுகள் மும்முரமாக நடைபெற்று வரும் நிலையில், இந்தியா முழுவதும் 10.5 லட்சம் வாக்குச்சாவடிகள் அமைக்கப்பட்டுள்ளன.
