தேனி மாவட்டம் சின்னமனூர் அருகே பொதுமக்களை அச்சுறுத்தி வந்த அரிசிக்கொம்பன் என்ற காட்டு யானையை ஒரு மாதத்திற்கு பிறகு வனத்துறையினர் பிடித்துள்ளனர். கேரள மாநிலம் இடுக்கி மாவட்டம் சின்ன கடல் பகுதியில் மனிதர்களை தாக்கி அச்சுறுத்தி வந்த அரிசி கொம்பன் என்ற காட்டு யானையை கேரள வனத்துறையினர் மயக்க ஊசி செலுத்தி பிடித்துள்ளனர்.
இந்த யானையை தமிழகத்தை ஒட்டி இருக்கக்கூடிய கண்ணகி வனக்கோட்டம் அருகே கேரள வனப்பகுதி பெரியார் புலிகள் காப்பகம் வனப்பகுதியில் விட்டுச் சென்றனர் அதன் பிறகு கடந்த ஒரு மாதமாக தமிழக பகுதியான ஹைவேஸ் மேகமலை, லோயர் கேம்ப், கம்பம் மற்றும் சண்முகா நதிஅணை, பூசாரி கவுண்டன்பட்டி, பெருமாள் மலை பகுதிகளில் தொடர்ந்து சுற்றி திரிந்தது.
இதனைத் தொடர்ந்து, இன்று அதிகாலை 3 மணி அளவில் பூசாரி கவுண்டன்பட்டி அருகே உள்ள பெருமாள் மலையில் 5 பேர் கொண்ட கால்நடை மருத்துவர் குழுவினர் மயக்க ஊசி செலுத்தி அரிசி கொம்பன் நாட்டியாலையை பிடித்துள்ளனர் இத்தகைய நிலையில், அரிசி கொம்பன் காட்டு யானை அடர் வனப்பகுதியில் விடப்படும் என்ற உயர்நீதிமன்ற மதுரை கிளையில் தமிழக அரசு விளக்கம் அளித்துள்ளது.
அரிசி கொம்பன் யானை களக்காடு, முண்டந்துறை புலிகள் சரணாலயப் பகுதியில் விடப்பட உள்ளதாகவும், அரிசி கொம்பன் யானையால் ஏற்பட்ட பாதிப்புகள் சேதம் தொடர்பாக கணக்கெடுக்கப்பட்டு வருகிறது என்றும் தமிழக அரசு தெரிவித்திருக்கிறது அரசின் விளக்கத்தை ஏற்றுக் கொண்ட நீதிபதிகள் வழக்கை முடித்து வைத்தனர்.
