Tesla: எலோன் மஸ்க்கின் Tesla Inc விரைவில் இந்தியாவிற்கு வரவுள்ளது, மேலும் அதன் இந்திய துணை நிறுவனமான “Tesla India Motor & Energy”, இரண்டு புதிய மாடல்களான மாடல் Y மற்றும் மாடல் 3 ஆகிய மாடல்களுக்கு ஹோமோலோகேஷன் (Homologation) மற்றும் சான்றிதழ் (Certification) பெறுவதற்கான விண்ணப்பங்களை சமர்ப்பித்துள்ளது. மேலும், இந்திய சந்தையில் போட்டியை சமாளிக்கக்கூடிய விலையுடன் (Competitive Pricing) வாகனங்களை அறிமுகப்படுத்த திட்டமிட்டுள்ளது.
பொதுவாக இந்தியாவில் நிறுவப்படுவதற்கு முன்பு, அனைத்து வகை வாகனங்களுக்கும் தேவையான சான்றிதழ்களை பெறுவது கட்டாயமான விதிமுறையாகும். அந்தவகையில், இந்தியாவிற்குள் நுழைவதற்கு முன்பே, டெஸ்லா தனது முதல் ஷோரூமுக்கு மும்பையின் பி.கே.சி பகுதியில் இடம் ஒதுக்கி வைத்திருந்தது. அமெரிக்காவை தளமாகக் கொண்ட இந்த ஆட்டோமொபைல் நிறுவனம் முழுமையாக இறக்குமதி செய்யப்பட்ட மின்சார வாகனங்களை இந்தியாவில் கொண்டு வர திட்டமிட்டுள்ளது.
இந்தியாவில் வணிகம் செய்வதில் உள்ள தனது ஆர்வத்தை எலோன் மஸ்க் சமீபத்தில் அறிவித்திருந்தார். அந்தவகையில், மும்பையின் BKC பகுதியில் டெஸ்லாவின் முதல் ஷோரூமை அமைக்கும் முன்பே, இந்த அமெரிக்க ஆட்டோமொபைல் நிறுவனம் முழுவதுமாக இறக்குமதி செய்யப்பட்ட மின்சார வாகனங்களை (EVs) இந்தியாவில் கொண்டு வர திட்டமிட்டுள்ளது.
எலோன் மஸ்க் இந்தியாவில் வணிகம் செய்ய மிகுந்த உற்சாகம் கொண்டுள்ளார் என்றும், உலகின் மூன்றாவது பெரிய கார் சந்தையாக இருக்கும் இந்தியாவில் தனது நிறுவனை வலுவாக நிலைநிறுத்த விரும்புகிறார் என்றும் தெரியவந்துள்ளது. அமெரிக்க தடைகளால் பாதிக்கப்பட்டுள்ள சீன வாகன சந்தைக்கு மாற்றாக, இந்தியாவை எலோன் மஸ்க் முக்கியமாக பார்க்கிறார். இந்திய சந்தையில் உறுதியாக நிலைநிறுத்திக்கொள்ள, டெஸ்லா தனது முதல் ஷோரூமை அமைக்க முந்தைய கட்டத்தில் இடத்தைத் தேர்வு செய்து வைத்திருந்தது.
இந்தியாவில் டெஸ்லாவின் உற்பத்தித் திட்டங்கள்: இப்போது வரை, டெஸ்லாவின் இந்திய திட்டத்தில் மின்சார வாகன (EV) உற்பத்தி ஆலைகள் அமைப்பது இடம்பெறவில்லை. அத்துடன், அடுத்த ஐந்து ஆண்டுகளில், உற்பத்தி மற்றும் பிற பணிக்கான உள்கட்டமைப்பு வசதிகளை உருவாக்க, $30 பில்லியன் (அமெரிக்க டாலர்) முதலீடு செய்ய திட்டமிட்டுள்ளதாக தகவல்கள் தெரிவிக்கின்றன. இது இந்தியாவில் முக்கிய ஆட்டோமொபைல் தயாரிப்பு மையமாக டெஸ்லாவை மாற்றும் பெரிய நகர்வாக பார்க்கப்படுகிறது.
டெஸ்லா மாடல் Y: ஜனவரி மாதத்தில், டெஸ்லாவின் Model Y மிட்-சைக்கிள் புதுப்பிப்பு (Mid-Cycle Refresh) பெற்றது. இந்த புதுப்பிப்பில், புதிய LED லைட்டிங், மேம்படுத்தப்பட்ட ஏரோடைநமிக்ஸ் (Aerodynamics), மாற்றியமைக்கப்பட்ட இன்டீரியர் (Interiors), 15.4 இன்ச் மைய டச்ச்ஸ்கிரீன், 8 இன்ச் பின்புற பயணிகளுக்கான ஸ்கிரீன் ஆகியவற்றைக் கொண்டுள்ளது. Model Y இரண்டு வகைகளில் கிடைக்கும், RWD (Rear-Wheel Drive) – 719 கிமீ ரேஞ்ச், 0-100 km/h 5.9 விநாடிகள். 2வது Long-Range AWD (All-Wheel Drive) – 662 கிமீ ரேஞ்ச், 0-100 km/h 4.3 விநாடிகளில் கிடைக்கும். இந்தியாவில் Model Y விலைகள் சுமார் ₹70 லட்சமாக இருக்கலாம் எனக் கணிக்கப்படுகிறது.
டெஸ்லா மாடல் 3: டெஸ்லா Model 3 செடான் மூன்று வகைகளில் கிடைக்கிறது. Long-Range RWD (Rear-Wheel Drive) – 584 கிமீ ரேஞ்ச், 0-100 km/h 4.9 விநாடிகள், Long-Range AWD (All-Wheel Drive) – 557 கிமீ ரேஞ்ச், 0-100 km/h 4.2 விநாடிகள், Performance Variant – 510hp பவருடன், 0-100 km/h வெறும் 2.9 விநாடிகளில் கிடைக்கும். Model Y போன்று Model 3லிலும் 15.4-இன்ச் மைய டச்ச்ஸ்கிரீன், 8.0-இன்ச் பின்புற பயணிகளுக்கான ஸ்கிரீன் உள்ளது. அமெரிக்காவில் Model 3 விலை – $29,990 (சுமார் ₹25.99 லட்சம்). இந்தியாவிற்கு 15% இறக்குமதி வரியுடன் விலை – சுமார் ₹29.79 லட்சம் ஆகும். இதனடிப்படையில் இந்திய சந்தையில் டெஸ்லா Model 3 மிகவும் போட்டி உயர்ந்த மின்சார காராக அமையும் என எதிர்பார்க்கப்படுகிறது.
இந்தியாவின் மின்சார வாகனக் கொள்கை : இந்தியாவின் புதிய மின்சார வாகனக் கொள்கை இறக்குமதி வரிகளைக் குறைத்துள்ளது. $35,000க்கு மேல் விலை கொண்ட வாகனங்களுக்கு, உற்பத்தியாளர்கள் மூன்று ஆண்டுகளுக்குள் உள்ளூர் உற்பத்தி வசதிகளை அமைத்தால், ஐந்து ஆண்டுகளுக்கு 15% குறைக்கப்பட்ட சுங்க வரி பொருந்தும். இது டெஸ்லாவிற்கு சாதகமான சூழ்நிலையாக இருக்கலாம். இந்த நன்மைகளுக்குத் தகுதி பெற, உற்பத்தியாளர்கள் குறைந்தபட்சம் ரூ.4,150 கோடி ($500 மில்லியன்) முதலீடு செய்து குறிப்பிடத்தக்க உள்நாட்டு மதிப்பு கூட்டலை அடைய வேண்டும். இதில் மூன்று ஆண்டுகளுக்குள் குறைந்தபட்சம் 25% பாகங்களை உள்ளூரில் பெறுவதும், ஐந்தாவது ஆண்டுக்குள் 50% ஆக அதிகரிப்பதும் அடங்கும்.
இந்த நடவடிக்கை இந்தியாவின் மின்சார வாகனச் சந்தையை ஊக்குவிக்கும் என்று எதிர்பார்க்கப்படுகிறது, டெஸ்லா ஒரு பெரிய பயனாளியாக உள்ளது. இருப்பினும், நிறுவனம் இன்னும் இந்தியாவில் அதன் உற்பத்தித் திட்டங்களை இறுதி செய்யவில்லை என்பது குறிப்பிடத்தக்கது.
இந்திய மக்கள் டெஸ்லா காரை வாங்க முடியுமா? இந்திய சந்தையில் டெஸ்லா நுழைவதற்கு விலை ஒரு குறிப்பிடத்தக்க கவலையாக உள்ளது. விலைகள் சுமார் ரூ.30 லட்சத்தில் (தோராயமாக $37,000 USD) தொடங்குவதால், டெஸ்லாவின் வாகனங்களை இந்தியாவில் வாங்கும் மக்களுக்கு எட்டாததாக இருக்கும் என்று கருதப்படுகிறது. டெஸ்லா இந்தியாவில் பிரீமியம் மற்றும் சொகுசு பிரிவுகளை குறிவைக்க வாய்ப்புள்ளது, அங்கு வாங்குபவர்கள் உயர்நிலை மின்சார வாகனத்திற்கு பிரீமியம் செலுத்த அதிக விருப்பத்துடன் இருக்கலாம். டெஸ்லா இந்தியாவில் வாகனங்களை தயாரிக்க முடிவு செய்தால், இறக்குமதி வரிகள் குறைப்பு மற்றும் உற்பத்தி செலவுகள் குறைவதால் விலைகள் குறைய வாய்ப்புள்ளது.
இறக்குமதி வரி 20 சதவீதத்திற்கும் குறைவாகக் குறைக்கப்பட்ட பிறகும், டெஸ்லாவின் மலிவான காரின் விலை சுமார் ரூ.35 முதல் 40 லட்சம் வரை இருக்கும் என்று உலகளாவிய மூலதன சந்தை நிறுவனமான CLSA அறிக்கை கூறுகிறது. தற்போது, அமெரிக்காவில் டெஸ்லாவின் மலிவான மாடல் 3, தொழிற்சாலை அளவில் சுமார் 35,000 அமெரிக்க டாலர்கள் (தோராயமாக ரூ. 30.4 லட்சம்) செலவாகும் என்பதை அறிக்கை எடுத்துக்காட்டுகிறது. இந்தியாவில் இறக்குமதி வரிகள் 15-20 சதவீதமாகக் குறைக்கப்படும் என எதிர்பார்க்கப்படுகிறது.
சாலை வரி மற்றும் காப்பீடு போன்ற கூடுதல் செலவுகளுடன், ஆன்-ரோடு விலை இன்னும் சுமார் 40,000 அமெரிக்க டாலர்கள் அல்லது தோராயமாக ரூ. 35-40 லட்சம் இருக்கும். டெஸ்லா ரூ. 25 லட்சத்திற்கும் குறைவான விலையில் ஒரு தொடக்க நிலை மாடலை ஆன்-ரோடு அறிமுகப்படுத்த முடிவு செய்து சந்தைப் பங்கைப் பெற்றாலும், மஹிந்திரா & மஹிந்திராவின் பங்குகளில் சமீபத்திய சரிவு ஏற்கனவே இந்த சூழ்நிலையில் காரணியாக இருப்பதாக கூறப்படுகிறது. இருப்பினும், டெஸ்லாவின் நுழைவு முக்கிய இந்திய வாகன உற்பத்தியாளர்களுக்கு குறிப்பிடத்தக்க தாக்கத்தை ஏற்படுத்தாது என்றும் அறிக்கையில் குறிப்பிடப்பட்டுள்ளது. ஏனெனில் இந்தியாவில் மின்சார வாகனங்களின் ஒட்டுமொத்த ஊடுருவல் சீனா, ஐரோப்பா மற்றும் அமெரிக்காவை விட குறைவாகவே உள்ளது.
