தமிழ்நாட்டில் அனைத்து சொந்த உபயோக கார்களையும் டாக்சிகளாக மாற்றலாம். சொகுசு வாகனங்கள் உள்ளிட்ட (வெள்ளை நம்பர் பிளேட் கொண்ட) கார்களை வணிக வாகனங்களாக மாற்ற மாநில அரசு அனுமதித்துள்ளது.
தங்கள் வாகனங்களை டாக்சிகளாகப் பயன்படுத்தத் தயாராக இருக்கும் கார் உரிமையாளர்கள், அந்தந்த வட்டாரப் போக்குவரத்து அலுவலகத்தில் (ஆர்டிஓ) அனுமதியைப் பெறலாம், இருக்கைகளின் எண்ணிக்கையைப் பொறுத்து ரூ. 625 முதல் 1,150 வரை செலுத்தி சமர்ப்பிக்கலாம். ஐந்து ஆண்டுகளுக்கு இதற்கான அனுமதி செல்லுபடியாகும். ஆர்டிஓ ஒப்புதல் அளித்தவுடன், உரிமையாளர்கள் தங்கள் நம்பர் பிளேட்டின் நிறத்தை மஞ்சள் நிறமாக மாற்றி தங்கள் சொந்த டாக்ஸி அல்லது பயண சேவைகளை இயக்கலாம். அத்தகைய வாகனங்கள் ஆர்டிஓக்களில் ஆண்டுதோறும் உடற்தகுதி சோதனைக்கு உட்படுத்தப்படும்.
சொகுசு கார்கள் உள்பட அனைத்துவிதமாக பயணிகள் வாகனங்களையும் போக்குவரத்து வாகனங்களாக பதிவு செய்யவும், மேலும் அந்த வாகனங்களுக்கு அனுமதி சீட்டினையும் வழங்க அறிவுறுத்தப்பட்டுள்ளது. இதன் காரணமாக, இனி வரும் நாட்களில் அனைத்து வகை கார்களையும் பயன்படுத்த முடியும், மேலும் இதன் காரணமாக தமிழகத்தில் சுற்றுலா மேம்படும் என தமிழக அரசு தெரிவித்துள்ளது.
