சென்னை காவல் கட்டுப்பாட்டு அறைக்கு மர்ம நபர் ஒருவர், போன் செய்து பல இடங்களில் வெடிகுண்டு வெடிக்க இருப்பதாக மிரட்டல் விடுத்தார். அந்த மர்மநபர் பேசிய செல்போன் எண்ணை வைத்து, காவல்துறையினர் அவரை தேடும் பணியில் ஈடுபட்டனர்.
இதனைத் தொடர்ந்து மீஞ்சூர் அருகே மிரட்டல் விடுத்தவரின் செல்போன் சிக்னல் காட்டியது. இதனையடுத்து அங்கு சென்ற காவல்துறையினர், ரயில் நிலையத்தில் இருந்த மிரட்டல் விடுத்த நபரை கைது செய்தனர்.
இதுகுறித்து அந்த நபரிடம் மேற்கொண்ட விசாரணையில், அவர் அனுப்பம்பட்டு பகுதியை சேர்ந்த பட்டதாரி இளைஞரான லோகேஷ் என்கிற விக்னேஷ் என தெரியவந்தது. அதன் பின்னர் இரண்டு பிரிவுகளின் கீழ் வழக்குப்பதிவு செய்த காவல்துறையினர், அவரிடம் தொடர்ந்து விசாரணை செய்து வருகின்றனர்.
