சமீபத்திய ஒரு ஆய்வு, விண்வெளியில் மனித இனப் பெருக்கம் எதிர்கொள்ளும் சவால்களை வெளிப்படுத்தியுள்ளது. குறிப்பாக, குறைந்த ஈர்ப்பு விசை மற்றும் cosmic விண்வெளி கதிர்வீச்சு ஆகியவை மனிதர்களின் இனப்பெருக்க திறனை குறிப்பிடத்தக்க வகையில் பாதிக்கின்றன என்று கூறப்படுகிறது.
மனிதர்கள் கடந்த 20 ஆண்டுகளுக்கும் மேலாக International Space Station (ISS) எனப்படும் சர்வதேச விண்வெளி நிலையத்தில் தொடர்ந்து வாழ்ந்து வருகின்றனர். இது, பாதுகாப்பான சூழலில் இருந்தாலும், விண்வெளியில் வாழ்வு சாத்தியம் என்பதை நிரூபித்துள்ளது. ஆனால், அது சவால்கள் இல்லாமல் இல்லை.
விண்வெளி வீரர்கள் எடை இல்லாத நிலையில் மிதந்து வாழ வேண்டியுள்ளது. தனிப்பட்ட சுத்தம் (hygiene) காக்க சிறப்பு வசதிகள் பயன்படுத்தப்படுகின்றன. எலும்புகள் மற்றும் தசைகள் பலவீனமடையாமல் இருக்க தினமும் கடுமையான உடற்பயிற்சி செய்ய வேண்டியுள்ளது.
எதிர்காலத்தில் விண்வெளியில் அமையவிருக்கும் மனிதக் குடியிருப்புகள், சந்திரன், செவ்வாய் அல்லது சுற்றுப்பாதையில் உள்ள மூடப்பட்ட வாழ்விடங்களைச் சார்ந்திருக்க வாய்ப்புள்ளது. இவை, குடியிருப்பாளர்களைக் கதிர்வீச்சு மற்றும் விண்வெளியின் வெற்றிடத்திலிருந்து பாதுகாக்க வடிவமைக்கப்பட்டுள்ளன. ஆனால், பூமிக்கு அப்பால் நீண்டகாலம் வாழ்வதற்கு, இனப்பெருக்கம் ஒரு முக்கிய அம்சமாக இருக்கும். ‘கம்யூனிகேஷன்ஸ் பயாலஜி’ இதழில் வெளியிடப்பட்ட ஒரு ஆய்வின்படி, பூஜ்ஜிய ஈர்ப்பு விசையில் விந்தணுக்கள் தங்கள் திசையை இழக்கின்றன. இதனால், கருத்தரிப்பு விகிதம் 30 சதவீதம் வரை குறைகிறது.
இந்த ஆய்விற்காக, ஆராய்ச்சியாளர்கள் மனித விந்தணுக்களை ஒரு குறைந்த புவி ஈர்ப்பு விசை உருவகப்படுத்துதல் அறைக்குள் வைத்தனர். இது, பெண் இனப்பெருக்கப் பாதை போலச் செயல்படும் வகையில் வடிவமைக்கப்பட்டிருந்தது. விந்தணுக்களின் வழிசெலுத்தும் திறனைச் சோதிக்க அவர்கள் விரும்பினர்.
குறைந்த புரி ஈர்ப்பு விசை இருக்கும், விந்தணுக்கள் பெண் இனப்பெருக்கப் பாதை வழியாகச் செல்வதற்குச் சிரமப்படுவதையும், அதனால் கருமுட்டையை அடைவது கடினமாக இருப்பதையும் அவர்கள் கண்டறிந்தனர். விண்வெளிக் கதிர்வீச்சு டி.என்.ஏ-வை சேதப்படுத்தலாம், புற்றுநோய் அபாயத்தை அதிகரிக்கலாம், மற்றும் இனப்பெருக்க செல்களைப் பாதிக்கலாம் என்று கண்டறியப்பட்டுள்ளது. மேலும், நுண்குருத்துவம் ஹார்மோன் ஒழுங்குமுறையை மாற்றி, விந்தணு மற்றும் கருமுட்டையின் தரத்தைக் குறைக்கிறது.
சந்திரன் மற்றும் செவ்வாய் கிரகத்திற்கான பயணங்கள் வெறும் கனவிலிருந்து யதார்த்தமாக நகரும் நிலையில், மனிதர்களும் நாம் சார்ந்திருக்கும் உயிரினங்களும் அந்தச் சூழல்களில் வெற்றிகரமாக இனப்பெருக்கம் செய்ய முடியுமா என்பதைப் புரிந்துகொள்வது ஒரு ஆர்வமூட்டும் விஷயம் அல்ல; “இது ஒரு அவசியம்,” என்று இந்த ஆய்வின் மூத்த ஆசிரியரும், அடிலெய்டு பல்கலைக்கழகத்தின் மூத்த விரிவுரையாளருமான நிக்கோல் மெக்பெர்சன் தெரிவித்துள்ளார்..
ஒரு நபரின் கருமுட்டைகளில் உள்ள செல்களால் வெளியிடப்படும் ஹார்மோனான புரோஜெஸ்ட்டிரோனைச் சேர்ப்பது, விந்தணுக்கள் தங்களைச் சிறப்பாகத் திசைப்படுத்திக்கொள்ள உதவியது என்பதையும் விஞ்ஞானிகள் கண்டறிந்தனர்.
“புரோஜெஸ்ட்டிரோன் ஒரு வேதியியல் சமிக்ஞையாகச் செயல்படுகிறது; இது அண்டவிடுப்பின் நேரத்தில் கருமுட்டை வெளியிடும் ஒரு வகையான உயிரியல் வழிகாட்டி விளக்கு,” என்று இனப்பெருக்கம் குறித்து ஆய்வு செய்யும் மெக்பெர்சன் விளக்கினார். “விந்தணுக்களின் மேற்பரப்பில் இந்த சமிக்ஞையைக் கண்டறிந்து, தங்களைத் திசைப்படுத்திக்கொண்டு அதன் மூலத்தை நோக்கி நீந்துவதற்குப் பயன்படுத்தும் ஏற்பிகள் உள்ளன.”
“இது இயற்கையின் மிகவும் நேர்த்தியான வழிசெலுத்தல் அமைப்புகளில் ஒன்றாகும்.. ஆனால், இந்த முடிவுகள் சுவாரஸ்யமாக இருந்தாலும், விண்வெளியில் கருவுறுதலுக்கான ஒரு எளிய தீர்வாக புரோஜெஸ்ட்டிரோனைப் பரிந்துரைக்கும் நிலைக்கு நாம் இன்னும் வரவில்லை..” என்றும் அவர் மேலும் குறிப்பிடுகிறார்.
Read More : நாளை தான் கடைசி நாள்..! இந்த பணிகளை முடித்துவிடுங்கள்..! இல்லயெனில் அபராதம்..!
