சத்தீஸ்கரில் உள்ள கரியாபந்த் மாவட்டத்தில் நடந்த மோதலின் போது, உயர்மட்ட மாவோயிஸ்ட் தளபதி மோடம் பாலகிருஷ்ணா என்கிற மனோஜ் மற்றும் 9 நக்சலைட்டுகள் கொல்லப்பட்டதாக பாதுகாப்பு படையினர் தெரிவித்துள்ளனர்.. இது பாதுகாப்புப் படையினருக்கு ஒரு பெரிய சாதனை என்று அதிகாரிகள் தெரிவித்தனர்.
இருப்பினும், என்கவுன்டர் இன்னும் நடந்து வருவதால், எண்ணிக்கை அதிகரிக்கும் என்று எதிர்பார்க்கப்படுகிறது. ராய்ப்பூர் ரேஞ்ச் இன்ஸ்பெக்டர் ஜெனரல் ஆஃப் போலீஸ் அம்ரேஷ் மிஸ்ரா இதுகுறித்து பேசிய போது “ இந்தப் பகுதியில் நக்சல் எதிர்ப்பு நடவடிக்கையின் போது, மெயின்பூர் காவல் நிலைய எல்லைக்குட்பட்ட காட்டில் நக்சல்கள் மற்றும் பாதுகாப்பு படையினர் இடையே மோதல் வெடித்தது..
“சிறப்புப் பணிப் படை (STF), கோப்ரா (கமாண்டோ பட்டாலியன் ஃபார் ரெசலூட் ஆக்ஷன் – CRPF இன் ஒரு உயர் பிரிவு) மற்றும் பிற மாநில காவல் பிரிவுகளைச் சேர்ந்த பணியாளர்கள் இந்த நடவடிக்கையில் ஈடுபட்டுள்ளனர். இடைவிடாத துப்பாக்கிச் சண்டை இன்னும் நடந்து வருகிறது,” என்று தெரிவித்தார்..
கடந்த சில மாதங்களாக நக்சலைட்டுகளுக்கு எதிராக பாதுகாப்புப் படையினர் பல நடவடிக்கைகளை மேற்கொண்டுள்ளனர். இடதுசாரி பயங்கரவாதத்தை முடிவுக்குக் கொண்டுவருவதற்கான இலக்கு மார்ச் 31, 2026 என்று மத்திய உள்துறை அமைச்சர் அமித் ஷா நிர்ணயித்துள்ளார் என்பதை கவனிக்கத்தக்கது.
நேற்று அதிகாலையில், நாராயண்பூர் மாவட்டத்தில் பல்வேறு பிரிவுகளின் கீழ்நிலைப் பிரிவுகளைச் சேர்ந்த 16 நக்சலைட்டுகளும் சரணடைந்தனர். நக்சலைட்டுகள் “வெற்று” மாவோயிஸ்ட் சித்தாந்தத்தாலும், அப்பாவி பழங்குடியினர் மீது அவர்களால் நடத்தப்பட்ட அட்டூழியங்களாலும் ஏமாற்றமடைந்தனர் என்று காவல்துறையினர் தெரிவித்துள்ளனர்..
Read More : நேபாளத்தில் நமது 100 ரூபாயின் மதிப்பு எவ்வளவு? தெரிஞ்சுக்க இதை படிங்க!
