கடந்த ஜனவரி மாதம் நிறைவடைந்த பிக்பாஸ் சீசன் 6 நிகழ்ச்சியில் அசீம் வெற்றியாளராக அறிவிக்கப்பட்டார். இதையடுத்து, 7-வது சீசன் எப்போது தொடங்கும் என்று ரசிகர்கள் கேள்வி எழுப்பி வந்தனர். முன்னதாக, பிக்பாஸ் 7-வது சீசனுக்கான ப்ரோமோ வெளியானது. 6 சீசன்களை தொடர்ந்து 7-வது சீசனையும் உலக நாயகன் கமல்ஹாசனே தொகுத்து வழங்கவுள்ளார். இதற்காக அவருக்கு ரூ.100 கோடிக்கு மேல் சம்பளம் பேசப்பட்டுள்ளதாக கூறப்படுகிறது.
விஜய் டிவியில் ஒளிபரப்பாகும் பிக்பாஸ் நிகழ்ச்சியானது, வழக்கம் போல இல்லாமல் இந்த முறை பிக்பாஸில் இரண்டு வீடுகள் இருக்கும் என்றும், போட்டியாளர்கள் இரண்டு பாதியாக பிரிக்கப்பட்டு தங்கவைக்கப்பட இருப்பதாகவும் கூறப்படுகிறது. அதை ப்ரோமோவில் கமல்ஹாசனே கூறிவிட்டார். இந்நிலையில் முன்னணி விஜய் டிவி காமெடியன் குரேஷி பிக்பாஸ் செல்வதை உறுதி செய்திருக்கிறார்.
அவர் இன்ஸ்டாவில் பிக்பாஸ் கமல்ஹாசன் போஸ்டர் முன்பு நின்று போட்டோ எடுத்து வெளியிட்டு இருக்கிறார். அதனால் அவர் பிக்ச்பாஸ் செல்வதை மறைமுகமாக உறுதி செய்து இருக்கிறார் என ரசிகர்கள் கூறி வருகின்றனர் என்பதும் குறிப்பிடத்தக்கது.
