விஜய் டிவியில் ஒளிபரப்பாகும் பிக்பாஸ் நிகழ்ச்சிக்கு ஏராளமான ரசிகர்கள் உள்ளனர். பரபரப்புக்கும், பொழுதுபோக்கிற்கும் பஞ்சமே இருக்காது என்பதால் பலரும் இந்த நிகழ்ச்சியை விரும்பி பார்க்கின்றனர். இதுவரை 6 சீசன்கள் வெற்றிகரமாக முடிவடைந்துள்ள நிலையில், விரைவில் பிக்பாஸ் சீசன் 7 நிகழ்ச்சி தொடங்க உள்ளது.
இந்த பிக்பாஸ் சீசன் நிகழ்ச்சியில் யாரெல்லாம் போட்டியாளர்களாக களமிறங்குகிறார்கள் என்பது குறித்து பல தகவல்கள் சமூக வலைதலங்களில் வலம் வருகிறது. அதன்படி, இம்முறை விஜய் டிவி பிரபலங்கள் மாகபா ஆனந்த், ஜாக்குலின், ரக்ஷன், கோவை பெண் ஓட்டுநர் டிரைவர் ஷர்மிளா, பயில்வான் ரங்கநாதன், நடிகர் சந்தோஷ் பிரதாப், டான்ஸ் மாஸ்டர் ஸ்ரீதர், காக்கா முட்டை விக்னேஷ், நடிகர் ப்ரித்விராஜ், நடிகை தர்ஷா குப்தா, உமா ரியாஸ், சோனியா அகர்வால், ரோஷினி, அம்மு அபிராமி, ரேகா நாயர், ரவீனா, நிலா மற்றும் ரச்சிதாவின் கணவர் தினேஷ், செய்தி வாசிப்பாளர் ரஞ்சித், விஜய் டிவி காமெடி நடிகர் சரத் ஆகியோர் இந்த சீசனில் கலந்து கொள்வார்கள் என்று எதிர்பார்க்கப்படுகிறது.
இதுவரை 7 போட்டியாளர்களின் பெயர்கள் உறுதியாகி விட்டதாக தகவல்கள் தெரிவிக்கின்றன. மீதமுள்ளவர்களின் பெயர்களும் விரைவில் உறுதி செய்யப்படும் என்று கூறப்படுகிறது. அதன்படி, விஜய் டிவி பிரபலம் மாகாபா ஆனந்த், நடிகை ரோஷினி, குக் வித் கோமாளி புகழ் ரவீணா, நடிகர் பப்லு, ப்ரித்விராஜ், நடிகை ரேகா நாயர், தர்ஷா குப்தா, நடிகை ஷகிலாவின் மகள் மிலா ஆகியோர் இந்த முறை பிக்பாஸ் வீட்டிற்குள் செல்வது உறுதியாகி உள்ளதாம்.
