தமிழ் சினிமாவில் வளர்ந்து வரும் நடிகைகளில் ஒருவராக இருப்பவர் நடிகை அதிதி. தன்னுடைய அறிமுகப் படத்திலேயே பல ரசிகர்களை கொள்ளை அடித்தார் இவர். பிரம்மாண்ட இயக்குநர் ஷங்கரின் மகளான இவர், நடித்த முதல் படமான விருமன் படம் பெரியளவில் வெற்றி பெற்றது. இதனைத் தொடர்ந்து சிவகார்த்திகேயனின் மாவீரன் திரைப்படத்தில் நடித்துள்ளார். இப்படம் சமீபத்தில் தான் திரையரங்குகளில் வெளியானது.
இதையடுத்து, மேலும் ஒரு சில படங்களில் கமிட்டாகி நடித்து வருகிறார். அதிதியின் அப்பா ஷங்கர் முதலில் இவர் நடிப்பதற்கு தயக்கம் காட்டினாலும் பிறகு அவரது ஆர்வத்தைப் புரிந்து கொண்டு நடிப்பதற்கு சம்மதம் தெரிவித்திருக்கின்றார். இந்நிலையில், தற்போது அதிதியின் திருமணம் குறித்த தகவல்கள் வெளியாகி சமூக வலைதளங்களில் வைரலாகி வருகின்றன. அதாவது ஷங்கர் அதிதியிடம் இன்னும் இரண்டு வருடங்கள் மட்டும் படங்களில் நடித்து விட்டு, அடுத்து திருமணம் செய்து கொண்டு செட்டில் ஆகி விட வேண்டும் என உத்தரவு போட்டிருக்கின்றாராம்.
இதற்கு அதிதியும் மறு பேச்சு பேசாமல் சரி என சம்மதித்தாக சொல்கின்றனர் நெருங்கிய வட்டாரத்தினர். எனவே, அதிதி யாரையாவது காதலிக்கிறாரா..? அல்லது வீட்டில் பார்க்கும் மாப்பிள்ளையை திருமணம் செய்து கொள்ளப் போகிறாரா? என்பதை பொறுத்திருந்து பார்ப்போம்.
