அஜித் நடித்து வரும் துணிவு படத்துக்கு ஜிப்ரான் இசையமைத்துள்ள நிலையில், படத்தின் முதல் சிங்கிள் அப்டேட்டை வெளியிட்டுள்ளார்.
நடிகர் அஜித் நடித்து வரும் துணிவு திரைப்படத்தின் ஷூட்டிங் நிறைவடைந்துள்ளது. இந்த படத்தின் டப்பிங் மற்றும் கிராபிக்ஸ் பணிகள் நடைபெற்று வருகின்றன. இந்நிலையில், அஜித் சமீபத்தில் டப்பிங் பேசும் புகைப்படங்கள் இணையத்தில் வெளியாகி வைரலாகின. வலிமை படத்துக்கு சிறப்பாக பின்னணி இசை அமைத்த ஜிப்ரான் இந்த படத்துக்கு இசையமைத்துள்ளார். நேர்கொண்ட பார்வை மற்றும் வலிமை ஆகிய படங்களின் வெற்றிக்குப் பிறகு ஹெச்.வினோத் இயக்கத்தில் அஜித் தனது 61-வது நடித்து வருகிறார். H.வினோத்துடன் அஜித் மூன்றாவது முறையாக இணைந்துள்ளதால், துணிவு படத்தின் மீதான எதிர்பார்ப்பு ரசிகர்களுக்கு அதிகமாகியுள்ளது. துணிவு திரைப்படம் தமிழ்நாட்டில் ரெட் ஜெயன்ட் மூவிஸ் நிறுவனத்தால் ரிலீஸ் செய்யப்பட உள்ளது.
இந்நிலையில், தற்போது துணிவு படத்தின் முதல் சிங்கிள் பாடல் அப்டேட்டை ஜிப்ரான் வெளியிட்டுள்ளார். பாடல் ஆசிரியர் வைசாக் எழுதியுள்ள சில்லா சில்லா என்ற பாடலை இசையமைப்பாளர் அனிருத்தை பாட வைத்துள்ளார் ஜிப்ரான். இது சம்மந்தமான புகைப்படத்தை வெளியிட்டுள்ள ஜிப்ரான் விரைவில் துணிவு முதல் சிங்கிள் வெளியாகும் என அறிவித்துள்ளார். வாரிசு படத்தில் இருந்து முதல் பாடல் வெளியாகி ரசிகர்களின் கவனத்தையும், விமர்சனத்தையும் பெற்று வரும் நிலையில், அஜித் ரசிகர்களுக்கு ஜிப்ரானின் இந்த அப்டேட் உற்சாகமான செய்தியாக அமைந்துள்ளது.
