நடிகர் விஜய் தற்போது லோகேஷ் இயக்கத்தில் லியோ திரைப்படத்தில் நடித்து வருகிறார். விஜய் நடிக்கும் லியோ படத்தின் ப்ரமோஷன் வீடியோ மற்றும் டைட்டில் போஸ்டர் வெளியாகி வைரல் ஆனது. இந்த படத்தில் சஞ்சய் தத், அர்ஜுன், மிஷ்கின், மன்சூர் அலிகான் ஆகியோர் வில்லன்களாக நடிக்கின்றனர். படத்தின் முக்கியக் காட்சிகளைப் படமாக்க படக்குழு காஷ்மீரில் 60 நாட்களுக்கும் மேல் சென்று முக்கியமானக் காட்சிகளை படமாக்கி சென்னை திரும்பியுள்ளனர். இதையடுத்து சென்னையில் அடுத்தக்கட்ட படப்பிடிப்பு தொடங்கி நடந்து வருகிறது.
இந்நிலையில், இந்த படத்தை முடித்துவிட்டு, விஜய் அடுத்து எந்த படத்தில் நடிப்பார் என்ற கேள்வி எழுந்துள்ளது. இதற்கிடையே விஜய், தனது அடுத்த படத்தை சூப்பர் குட் பிலிம்ஸ் நிறுவனத்தின் ஆர் பி சௌத்ரிக்காக நடிக்க உள்ளார் என்று சொல்லப்படுகிறது. இந்த படத்தை தெலுங்கு இயக்குனர் கோபிசந்த் இயக்க உள்ளதாக தகவல் தெரிவிக்கின்றன. இந்த படத்தின் ஷூட்டிங் செப்டம்பர் மாதம் தொடங்கி, அடுத்த ஆண்டு ஏப்ரல் 14ஆம் தேதி ரிலீஸ் ஆகும் என கூறப்படுகிறது.
