66 மில்லியன் ஆண்டுகளுக்கு முன்பு மிகப்பெரிய விண்கல் ஒன்று பூமியை தாக்கியதால் தான் டைனோசர்கள் அழிந்ததாக கூறப்படுகிறது.. ஆனால் அது முழு உண்மையா? நேஷனல் அகாடமி ஆஃப் சயின்ஸ் (பிஎன்ஏஎஸ்) இதழில் வெளியிடப்பட்ட இந்த சமீபத்திய ஆய்வு நீண்டகாலமாக நம்பப்படும் விண்கல் கோட்பாட்டிற்கு முரணானது! ஆம்.. பூமியை அந்த விண்கல் தாக்கிய அந்த துரதிர்ஷ்டவசமான நிகழ்வுக்கு முன்பே டைனோசர்கள் அழியத் தொடங்கிவிட்டதாக ஆய்வு முடிவுகள் தெரிவிக்கின்றன.. டைனோசர்களின் எண்ணிக்கையும் பன்முகத்தன்மையும் ஏற்கனவே குறைந்து வருவதாக சீனாவின் புதைபடிவ முட்டைகள் தெரிவிக்கின்றன என்று அந்த ஆய்வில் சுட்டிக்காட்டப்பட்டுள்ளது..
மத்திய சீனாவின் ஷான்யாங் படுகையில் 150-மீ தடிமன் கொண்ட தொடர்ச்சியான புதைபடிவங்கள் நிறைந்த வரிசையிலிருந்து 1,000 டைனோசர் முட்டை ஓடு மாதிரிகளை ஆராய்ச்சியாளர்கள் சேகரித்தனர், இது மிகவும் அதிகமான டைனோசர் வாழ்ந்த பகுதிகளில் ஒன்றாகும். ஆராய்ச்சியாளர்கள் 5,500 க்கும் மேற்பட்ட ராக் மாதிரிகளை துல்லியமாக தேதியிட கணினி மாடலிங் மூலம் பகுப்பாய்வு செய்துள்ளனர்.
அதில் விண்கல் பூமியை தாக்கியதற்கு முன்பே டைனோசர் பன்முகத்தன்மை குறைந்து வருவதை ஆய்வு வெளிப்படுத்தியது.. 66.4 மற்றும் 68.2 மில்லியன் ஆண்டுகளுக்கு முன்பு இதே சகாப்தத்தில் பெரிய உடல், நீண்ட கழுத்து டைனோசர்கள் வாழ்ந்ததாகவும் புதைபடிவங்கள் காட்டுகின்றன. எனவே, உலகளாவிய காலநிலை மாற்றங்கள், மிகப்பெரிய எரிமலை வெடிப்புகளின் விளைவாக சில மில்லியன் ஆண்டுகளுக்கு முன்பு அழிந்திருக்கலாம் என்று அதில் கூறப்பட்டுள்ளது.. சுற்றுச்சூழல் அமைப்பில் ஏற்பட்ட பேரழிவுக்குரிய நிகழ்வுகள் அல்லாத டைனோசர் அழிவுக்கு வழிவகுத்திருக்கலாம் என்று கூறப்படுகிறது..
ஆனால் இதற்கு முன்பு வரை ராட்சத விண்கல் பூமியை தாக்கியதால் டைனோசர்கள் அழிந்திருக்கலாம் என்று விஞ்ஞானிகள் கூறிவந்தனர். ராட்சத விண்கல் தாக்குதல் 10 பில்லியன் அணுகுண்டுகளுக்கு சமமான ஆற்றலை வெளியிட்டது… இதன் தாக்கம் பல தசாப்தங்களாக நீடித்தது என்றும் பறவை அல்லாத அனைத்து டைனோசர்களும் வெடிப்பு அல்லது அமில மழையால் கொல்லப்பட்டன என்றும் விஞ்ஞானிகள் கூறியிருந்தனர் என்பது குறிப்பிடத்தக்கது..
