கோவையில் தங்கள் பெயரில் போலியான கம்பெனிகளை பதிவு செய்து, அதன் பெயரில் வங்கிகளுக்கு சுமார் ரூ.43.76 லட்சம் இழப்பு ஏற்படுத்திய வழக்கில் இருவர் கைது செய்யப்பட்டுள்ளனர்.
ரத்தினபுரியைச் சேர்ந்த மனோகரன், டாடாபாத்தைச் சேர்ந்த தேவராஜ் ஆகியோர் தங்களின் பெயரில் போலியான கம்பெனிகளை பதிவு செய்துள்ளனர். அதன் பெயரில் வங்கிக் கணக்குகளையும் தொடங்கி வங்கியில் இருந்து POS Machine-களையும் பெற்றுள்ளனர். பின்னர் அதன் மூலம் வெளிநாட்டு Credit Card-களை (Skimmed Cards) Swipe செய்து அந்த பணத்தை தங்களின் பெயரில் உள்ள வங்கி கணக்குகளுக்கு மாற்றி மோசடி செய்துள்ளனர்.
அந்த வகையில், இருவரும் சேர்ந்து வங்கிகளுக்கு மொத்தம் ரூ.43,76,485.06 ரூபாயை இழப்பீடு ஏற்படுத்தியுள்ளனர். இவர்களது மோசடி அம்பலமாகவே காவல்துறையினர் இருவரையும் தற்போது கைது தீவிர விசாரணை நடத்தி வருகின்றனர்.
