தீபாவளிக்கு மறு நாள் விடுமுறை அளிக்க வேண்டும் என அனைத்து தரப்பினரும் கோரிக்கை வைத்து வரும் நிலையில் இது பற்றி தகவலை அமைச்சர் அன்பில் மகேஷ் தெரிவித்துள்ளார்.
சென்னை செல்வதற்காக திருச்சி விமான நிலையம் வந்தபோது அமைச்சர் அன்பில் மகேஷிடம் தீபாவளிக்கு அடுத்த நாள் விடுமுறை அளிக்கப்படுவது தொடர்பாக கேள்விகள் கேட்கப்பட்டது. இதற்கு அவர் , தீபாவளிக்கு மறு நாள் செவ்வாய்கிழமை விடுமுறை அளிப்பது என்பது பள்ளிக்கல்வித்துறையை சார்ந்தது மட்டுமல்ல அனைத்து துறை பணியாளர்களுக்கும் பொருத்தமானது. எனவே இதைப் பற்றி முதலமைச்சர் மு.க.ஸ்.டாலின் விரைவில் முடிவெடுத்து அறிவிப்பு வெளியிடுவார் என்று தெரிவித்தார். எனவே இன்று மாலையோ , இரவோ அறிவிப்பு வெளியாகலாம் என எதிர்பார்க்கப்படுகின்றது.
புதுச்சேரி மாநிலத்தில் தீபாவளிக்கு அடுத்த நாள் விடுமுறை நாளாக அறிவிக்கப்பட்டுள்ளது. வெளியூர் சென்றுள்ளவர்கள் வசதிக்காக ஒரு நாள் விடுப்பு நீடிக்கப்பட்டுள்ளது. எனவே இதே போல தமிழகத்திற்கும் விடுப்பு அளிக்கப்பட வேண்டும் என்ற கோரிக்கை எழுந்து வரும் நிலையில் அனைத்து தரப்பினருக்கும் விடுமுறை அளிக்க வேண்டும் என்ற எதிர்பார்ப்பில் உள்ளனர்.
பள்ளிகளுக்கு விடுப்பு அளிப்பது தொடர்பாக பள்ளிக்கல்வித்துறை ஆலோசனை செய்து வருவதாகவும் முதலமைச்சர் உடன் கலந்து ஆலோசித்து தீபாவளிக்கு மறு நாள் விடுமுறை குறித்த அறிவிப்பை
வெளியிடுவோம் என தெரிவித்துள்ளார்.
