பள்ளியில் பதினோறாம் வகுப்பு படித்து வந்த மாணவியை காதலித்த இளைஞர் பெண் கேட்டு சென்றபோது அவமானம் ஏற்பட்டதாக கூறி தற்கொலை செய்து கொண்ட சம்பவம் அதிர்ச்சியை ஏற்படுத்தியுள்ளது.
திருவண்ணா மலை மாவட்டத்தில் பதினோறாம் வகுப்பு படித்துக் கொண்டிருந்த மாணவி ஒருவரை தீவிரமாக காதலித்து வந்தார் அதே பகுதியைச் சேர்ந்த சாம்ராஜ் என்பவர். இதனால் அவரை பெண் கேட்டு செல்ல நினைத்த சாம்ராஜ் சில நாட்களுக்கு முன்பு மாணவியின் வீட்டுக்கு குடும்பத்துடன் சென்றார்.
அப்போது மாணவியின் தந்தை இளைஞரை கன்னத்தில் அறைந்து அவர் மீது தாக்குதல் நடத்தியுள்ளார். இதனால் தான் அவமானப்படுத்தப்பட்டதாக கூறி குடும்பத்தினரிடம் வருந்தியுள்ளார். சில நாட்களாக வருத்தமாகவே காணப்பட்ட நிலையில் வீட்டில் அவர் தூக்கில் தொங்கிய நிலையில் குடும்பத்தினர் பார்த்ததும் அதிர்ச்சியடைந்தனர்.
இதனால் கிராமமே சோகத்தில் மூழ்கியது.
இந்த தற்கொலையில் தொடர்புடையவர்கள் மீது நடவடிக்கை எடுக்க வேண்டும் என்று கிராமமே சேர்ந்து கோரிக்கை வைத்துள்ளது. மாணவியின் தந்தை தாக்குதல் நடத்தியதால்தான் இளைஞர் தூக்கிட்டுத் தற்கொலை செய்து கொண்டார் என தெரிவித்தனர்.
இளைஞர் தரப்பில் புகாரை ஏற்ற பின்னர் உறவினர்கள் சடலத்தை வாங்கிக் கொண்டு இறுதி சடங்கிற்கான பணியை தொடங்கினர். இந்நிலையில் புகாரின் பேரில் மாணவியின் தந்தையை கைது செய்து விசாரணை நடத்தி வருகின்றனர்.
