இன்று ஒட்டுமொத்த திரையுலகமே சேர்ந்து நடத்தும் கலைஞர் நூற்றாண்டு விழாவில் பல சுவாரஸ்ய நிகழ்வுகள் நடைபெறவுள்ளது. சென்னை கிண்டியில் உள்ள ரேஸ் கோர்ஸ் மைதானத்தில் இதன் விழா நடைபெறுகிறது. கலைஞரின் புகழை பாட இங்கு யாருக்கும் வயது இல்லை. ஆனாலும், அவரை கொண்டாட ஒரு அற்புதமான வாய்ப்பாக இந்த விழாவில் கலந்து கொள்வதற்கு அனைத்து திரைப்பிரபலங்களும் ஒன்று கூடுகிறார்கள்.
அரசியலிலும், சினிமாவிலும் தனது முழு ஆளுமையை காட்டியவர் கலைஞர் கருணாநிதி. பல போராட்டங்களை சந்தித்தவர். 6 வரலாற்றுப் புதினங்கள், 9 கவிதை தொகுப்புகள், 16 சிறுகதை தொகுதிகள், 18 நாடகங்கள், 18 திரைப் பாடல்கள், 24 கதை எழுதிய திரைப்படங்கள், 32 திரைக்கதை எழுதிய திரைப்படங்கள், 57 வசனம் எழுதிய திரைப்படங்கள் என கலைஞரின் பெருமையை சொல்லிக் கொண்டே போகலாம்.
இவருக்கான விழாவை ஒரே நாளில் முடித்து விட முடியாது. ஆனாலும், ஒரு நூற்றாண்டு என்பது ஒரு தனி சாம்ராஜ்யம். சினிமாவுக்காக கலைஞரின் அர்ப்பணிப்பு ஆகச்சிறந்தது. இன்று நடக்க இருக்கும் கலை நிகழ்ச்சிகளை ஒன்றிணைத்து கொண்டு போவது இயக்குனர் விஜய் என்று சொல்லப்படுகிறது. இந்நிலையில், கலைஞரின் சிறு வயது முதல் அவர் இருந்த காலம் வரை அவரை பிரதிபலித்தே பல்வேறு நிகழ்ச்சிகள் நடக்க போவதாகவும் கூறப்படுகிறது. அதனால், அவருடைய இளம் வயது தோற்றத்தில் நடிகர் உதயாவின் மகன் தான் நடிக்க இருக்கிறாராம். அது சம்பந்தமான புகைப்படம் தான் இணையத்தில் தற்போது வைரலாகி வருகிறது.
